|
|
Календарь событий
01 апреля 2024
1 апреля, 2024 - 16:13
КъБР-м щIыхь зиIэ и щIэныгъэрылажьэ, химие щIэныгъэхэмкIэ доктор Къущхьэ Хьэсбий КъБКъУ-р къиухри, Украинэм аспирантурэм щыщIэтIысхьат. ЩIэныгъэр зи псэм хэлъ щIалэм къыщыгуфIыкIащ а зэманым уей-уей жезыгъэIэу щыта украин институт цIэрыIуэр. Дунейр къызэхикIухьщ, и цIэр фIыкIэ игъэIури, и унэ къихьэжащ Къущхьэр. Къызэрысыжри органикэм щымыщ химиемрэ физикэм епха химиемкIэ КъБКъУ-м и кафедрэм и унафэщIщ. НэхъапэIуэкIэ зыми и акъыл зыхунэмыса къэхутэныгъэу 16 иIэщ иджыри Совет лъэхъэнэм къигупсысыгъауэ.
1 апреля, 2024 - 15:26
Черкесск къалэм и «Юбилейный» спорт комплексым иджыблагъэ щекIуэкIащ Къэрэшей-Шэрджэсым ДзюдомкIэ и федерацэм и тхьэмадэу щыта Атабиев Арасул и фэеплъ урысейпсо зэхьэзэхуэ. Абы кърихьэлIа къэралым и щIыналъэ 13-м я дзюдоист 180-м нэблагъэр, пашэныгъэр къэхьыным къыдэкIуэу, щIэбэнащ Урысейм спортымкIэ и мастер цIэ лъапIэр къыхуагъэфэщэным. Зэхьэзэхуэм хэтахэр я ныбжькIэ илъэс 23-м щIимыгъуахэрщ.
Къэбэрдей-Балъкъэрым и командэм Черкесск хъарзынэу зыкъыщигъэлъэгъуащ икIи медаль зэхуэмыдэу 8 къихьащ, абы щыщу 3-р дыщэу.
1 апреля, 2024 - 14:55
(Бэзэрщауэ и гукъэкIыжхэр)
1 апреля, 2024 - 14:09
Мэлыжьыхьым и 1, блыщхьэ
Къуалэбзухэм я дунейпсо махуэщ
Ауанымрэ дыхьэшхымрэ я махуэщ
1930 гъэм къалъхуащ уэрэджыIакIуэ, Адыгэ Республикэм и цIыхубэ артисткэ Щауэжь Розэ.
1937 гъэм къалъхуащ Социалист Лэжьыгъэм и ЛIыхъужь, РСФСР-м щIыхь зиIэ и механизатор Дадэ ХьэмытIэ.
1943 гъэм къалъхуащ КъШР-м и цIыхубэ дохутыр, жылагъуэ лэжьакIуэ Тэмазэ Анатолэ.
1 апреля, 2024 - 13:33
«Wrestlers of KBR» телеграм-каналым къызэритамкIэ, фIыуэ зэхэзымыххэм алыдж-урым бэнэкIэмкIэ я урысейпсо зэхьэзэхуэ Владимир къалэм иджыблагъэ щекIуэкIащ. Абы хэтащ къэралым и щIыналъэхэм ящыщу I3-м я бэнакIуэу 70-м щIигъу, я ныбжькIэ илъэс 24-м щIимыгъуауэ.
Владимир къалэм Тимофеев Дмитрий и цIэр зэрихьэу дэт спорт комплексым и бэнакIуэхэм я пэшыр мы махуэхэм хуэугъурлащ Къэбэрдей-Балъкъэрым и спортсмен КIыщ Аслъэнбэч. Килограмм 72-рэ хъухэм я деж ди щIалэм домбеякъ медалыр къыщихьащ.
1 апреля, 2024 - 13:33
Къэбэрдей-Балъкъэрым и курортхэм жыджэру зрагъэужь, ухуэныгъэщIэхэр ирагъэкIуэкI: дызэрыт илъэс къудейм къриубыдэу абыхэм къыщызэIуахынущ республикэм зыщызыгъэпсэхуну, зыщызыплъыхьыну къакIуэхэр къыщыувыIэну щIыпIэщIэу, хьэщIэщ пэшу 550-м щIигъу. «Туризмэмрэ хьэщIагъэм пыщIа Iуэхугъуэхэмрэ» лъэпкъ пэхуэщIэм ипкъ иткIэ, а Iуэхугъуэхэм хухахынущ сом мелуан 366-рэ, жиIащ иджыблагъэ КъБР-м курортхэмрэ туризмэмкIэ и министр ЩоджэнцIыкIу Мурат.
1 апреля, 2024 - 13:02
IуэхущIапIэхэм къыщIагъэкI продукцэхэм фIагъ лъагэ зэраIэм щыхьэт техъуэ «Урысейм щащIащ» сертификатыр къыIахыныр, ахэр хамэ къэралым щыпхагъэкIыныр, абы щхьэкIи щIэгъэкъуэн къагъуэтыныр нэхъ тынши, нэхъ псынщIи хъуащ.
1 апреля, 2024 - 12:22
«ГъуэгуфI шынагъуэншэхэр» лъэпкъ проектым ипкъ иту республикэм мы гъэм щызэрагъэзэхуэж автомобиль зекIуапIэхэм я нэхъ кIыхь дыдэр Бахъсэн районым и Къубэ-Тэбэ, Къулькъужын Ищхъэрэ, Къулькъужын Ипщэ къуажэхэр зэпызыщIэ гъуэгурщ. Абы километр 18 и кIыхьагъщ.
Къулъкъужын Ищхъэрэм пхрыкI автомобиль зекIуапIэм зэщIегъэхьэ амбулаторэр, щIыпIэ сымаджэщыр, къуажэ администрацэм и хэщIапIэр, курыт еджапIищыр, ЩэнхабзэмкIэ унэр, Iэпкълъэпкъым зыщрагъэужь-узыншагъэр щрагъэфIакIуэ IуэхущIапIэр, сабий садыр, Хэку зауэшхуэм хэкIуэдахэм я фэеплъыр.
1 апреля, 2024 - 12:00
Тхьэм гушыIэр и щIасэщ!
Мэлыжьыхьым и 1-м Iыхьлыхэм, благъэхэм, ныбжьэгъухэм дэгушыIэ хабзэщ. Тхыдэм къызэрыхэщыжымкIэ, мэлыжьыхьым и I-р нэхъапэм ягъэлъапIэу щытащ гъэрэ щIырэ щызэхэкI махуэу. МафIэщхьэтыхьыр, нэгъуэщIу жыпIэмэ ИлъэсыщIэр, сыт щыгъуи гушыIэрэ ауанкIэ гъэнщIат. А махуэшхуэм и хабзэхэр иджыри кIуэдыжакъым. Абы щхьэусыгъуэ хуэхъуауэ къалъытэр щIыуэпсым и щытыкIэрщ, гъатхэ уэшхырилэр, уэтIпсытIыр, махуэ нэщхъеифэхэр ауанрэ гушыIэкIэ ягъэдахэрт…
1 апреля, 2024 - 11:50
Гур здэкIуэм кIуэфыр лIыфIщ, жиIащ пасэрей адыгэм. ЛIыфIым къыщымынэу, абы насып къызэрыдэкIуэри, гупсэхугъуэрэ берычэтрэ къызэрыпэкIуэри щынэрылъагъущ Тыркум къыщалъхуа, зи адэжь щIыналъэм къэкIуэжауэ тыншу щыпсэу Къетыкъуэ Мухьэрэм и гъащIэм. Хэхэсыныр зи натIэ хъуа адыгэ мелуанхэм ящыщт Мухьэрэм. И натIэ къритхар арами, Тхьэм фIыуэ илъэгъуахэм я бжыгъэм хэтти, хэкужьым унагъуэ щыхъужыну, и щхьэ Iуэху щызэрихуэжыну, лажьэу-шхэжу и гъащIэр щрихьэкIыну къыхуэупсэжащ.
|
