|
|
Спорт
28 декабря, 2025 - 08:29
Урысей Федерацэм футболымкIэ и етIуанэ лигэм и «Б» дивизионым и Япэ гупым мы гъэм щекIуэкIа зэхьэзэхуэм щыкIуэцIрыхуа «Спартак-Налшыкым» 2026 гъэм щыIэну зэпеуэм пасэу зыхуэгъэхьэзы-рын щIидзащ.
26 декабря, 2025 - 11:06
Олимп джэгухэм хыхьэ тхэквондо лIэужьыгъуэмкIэ (ВТФ) Урысей Федерацэм и чемпионатрэ (я Iэпкълъэпкъым сэкъат зиIэ спортсменхэрщ зэпеуар) «Iуащхьэмахуэм и Кубокыр» къэхьыным хуэунэтIа зэхьэзэхуэрэ Налшык къалэм и «Гладиатор» спорт комплексым иджыблагъэ щекIуэкIащ.
Чемпионатым хэтащ УФ-м и щIыналъэхэм ящыщу 17-м я спортсмен 71-рэ. Абы щытекIуа, Дагъыстэным и лIыкIуэ Магомедов Щамил къыхигъэщащ Кавказ Ищхъэрэм щрагъэкIуэкI зэхьэзэхуэхэм бжьыпэр щыбубыдыну зэрымытыншыр, уи зэфIэкIымрэ Iэзагъымрэ я гъэунэхупIэу сыт щыгъуи ахэр зэрыщытыр.
26 декабря, 2025 - 10:00
«Локодзюдо» фIэщыгъэр зэрихьэу дзюдомкIэ Iыхьэ куэду зэхэт зэхьэзэхуэхэм ящыщ зым Налшык къалэм и «Локомотив» спорт клубым и бэнакIуэ ныбжьыщIэхэм ехъулIэныгъэфIхэр щызыIэрагъэхьащ, къитащ Къэбэрдей-Балъкъэрым СпортымкIэ и министерствэм. Зэхьэзэхуэр щекIуэкIар Челябинск къалэрщ.
Зыхэта гупхэм япэ увыпIэхэр къыщахьащ Джафаров Инал, Къэжэр Самир, Срыкъуэ Ахьмэд, Мисиров Мансур, Къунаш Дамир сымэ. Щокъуий Ренатрэ Шишхов Инверрэ етIуанэ хъуахэщ. Биттиров Эмирхъан, Щоджэн Къаплъэн, ГъущIо Iэдэм сымэ домбеякъ медалхэр къахьащ.
25 декабря, 2025 - 14:30
Олимп джэгухэм бэнэкIэ хуитымкIэ дыжьын медаль къыщызыхьа Картоев Калой и щIыхькIэ Ингушым и къалащхьэ Магас иджыблагъэ щекIуэкIа, щIыналъэхэм я зэхьэзэхуэм къыщыхэжаныкIащ Бахъсэн къалэм и спорт еджапIэм и гъэсэнхэр.
Зэхьэзэхуэм хэтащ къэралым и щIыналъэхэм я бэнакIуэу 100-м щIигъу, я ныбжькIэ илъэс 18-м щIимыгъуауэ икIи ахэр щIэбэнащ медаль комплекту 11-м.
23 декабря, 2025 - 14:30
Налшык къалэм и «Гладиатор» спорт комплексым иджыблагъэ щекIуэкIащ ММА-мкIэ зэхьэзэхуэ зэIуха. Абы щызэпеуащ Къэбэрдей-Балъкъэрым, Къэрэшей-Шэрджэсым, Дагъыстэным, Шэшэным, Осетие Ищхъэрэ – Аланием, Ставрополь крайм я спортсмен 36-рэ. Абыхэм яхэтащ Афганистаным къикIа хьэщIэхэри.
22 декабря, 2025 - 10:18
УФ-м дзюдомкIэ щIыхь зиIэ и тренер Ныр Сеф и фэеплъ республикэ зэхьэзэхуэ щекIуэкIащ Налшык къалэм и «Гладиатор» спорт комплексым. Абы щызэпеуащ ди щIыналъэм и районхэм я бэнакIуэ ныбжьыщIэу 152-рэ, я ныбжькIэ илъэси 9-м щIимыгъуауэ.
Я хьэлъагъ елъытауэ зыхэта гупхэм чемпион щыхъуащ Кундаев Азэмэт (кг 25-рэ), Уэзрокъуэ Мухьэмэд (кг 27-рэ), Созэрыкъуэ Iэдэм (кг 29-рэ), Ало Сулеймэн (кг 32-рэ), Гаев Таулан (кг 35-рэ), Асанов Эмир (кг 38-рэ), Щэбэтыкъуэ Даниял (кг 42-рэ), ГъущIапщэ Уэсмэн (кг 46-рэ), КIэмпIарэ Астемыр (кг +46-рэ) сымэ.
21 декабря, 2025 - 06:58
 Хьэрып Эмират Зэгуэтхэм я къалащхьэ Абу-Даби и «Мубадала Арена» спорт комплексым мазэ ипэкIэ щекIуэкIа, Тажышхуэр дзюдомкIэ къэхьыным хуэунэтIа зэхьэзэхуэшхуэм къэрал мыхьэнэ зиIэ, ди цIыхухэр куэд щIауэ зыпэплъа икIи спорт тхыдэм къыхэхэн IуэхугъуэфI къыщыхъуащ.
18 декабря, 2025 - 14:15
Гупхэр зэпоуэ
Республикэм и къалащхьэм и «Налшык» спорт комплексым иджыблагъэ щекIуэкIащ командэхэм дзюдомкIэ я республикэ зэхьэзэхуэ. СССР-м спортымкIэ и мастер Газаев Руслан и фэеплъу щытащ ар икIи абы щызэпеуащ 2012 - 2013 гъэхэм къалъхуахэр, псори зэхэту командэ 17 хъууэ.
17 декабря, 2025 - 13:09
«КъэкIуэнум хуэгъэза лъэбакъуэ» фIэщыгъэр зэрихьэу Урысей Ипщэмрэ Кавказ Ищхъэрэмрэ стIолыщхьэ теннисымкIэ ирагъэкIуэкI зэхьэзэхуэм и еплIанэ Iыхьэр Налшык къалэм и «Гладиатор» спорт комплексым щызэхэтащ. Абы щызэпеуащ Урысей Ипщэм и командэу 6-рэ КИФЩI-м и спортсмену 48-рэ.
16 декабря, 2025 - 09:26
Мэзкуу къалэм киокусинкай-каратэмкIэ зэхьэзэхуэ зыбжанэ зэуэ щекIуэкIащ мы махуэхэм. ЖыпIэнурамэ, щIалэгъуалэм я деж пашэныгъэр къыщыхьыным хуэунэтIа зэIущIэ, балигъхэм (щIалэхэми хъыджэбзхэми) я чемпионат, «Къалащхьэм и Кубок» зэпеуэ. Иужьрейм щызэхуэзахэр ныбжьыщIэхэрщ.
Балигъхэм я чемпионатыр къызэрыхахыу щытащ: абы щытекIуахэр хэтынущ «Moscow Open» дунейпсо зэхьэзэхуэм икIи, ди гуапэ зэрыхъущи, Къэбэрдей-Балъкъэрым и спортсмен Сыжажэ Алихъан и хьэлъагъ елъытауэ зыхэта гупым япэ увыпIэр къыщихьащ.
Страницы
|
