Спорт

Бахъсэныр етIаунэщ

«Федерацэм и Кубок» фIэщыгъэр зэрихьэу киокусинкаймкIэ ветеранхэм я урысейпсо зэхьэзэхуэ Мэзкуу къалэм щекIуэкIащ иджыблагъэ.

 Къэбэрдей-Балъкъэрым и щIыхьыр иIэту зэпеуэм щыIащ Бахъсэн Хьэсэн икIи килограмм 90 зи хьэлъагъхэм я деж етIуанэ увыпIэр къыщихьащ. Ди щIалэр щызэуар илъэс 45-50 зи ныбжь спортсменхэр зыхэта гупырщ.

 Бахъсэным зэIущIищ щригъэкIуэкIат зэхьэзэхуэми, тIум щытекIуащ абыхэм хухаха зэманхэр икIэм нимыгъэсу. Хьэсэн къыдэлажьэр тренер-егъэджакIуэ Ахъмэт Артурщ.

Iуэхур зыIутрати, Японием щыIэ Кобе къалэм волейболымкIэ зэхьэзэхуэ щекIуэкIырт. Зэпеуэр мы спорт унэтIыныгъэм и гуп къыхэхахэрт. Топыр зэрыдахуфымкIэ я зэфIэкIыр къыщагъэлъагъуэм, волейболист пажэхэм яз Нисидэ Юдзи ейр джэгупIэм и бгъум деж щыт хъыджэбзым и нэкIубгъум техуащ.

Къэбэрдей-Балъкъэрым иджырей пятиборьем зыщегъэужьынымкIэ и Центрым щекIуэкIащ республикэм псы есынымкIэ и чемпионатрэ пашэныгъэр къэхьыным хуэунэтIа зэхьэзэхуэрэ. Абы щызэпеуащ ди щIыналъэм и район псоми я спортсмену, щIалэхэри хъыджэбзхэри зэхэту, 100-м щIигъу икIи абыхэм къызэпачащ кроль, баттерфляй, брасс, щIыбкIэ есынымкIэ, нэгъуэщI унэтIыныгъэхэмкIэ метр 50, 100, 200 зи кIыхьагъ «гъуэгуанэхэр». 

ЗэрыгъэIуща фIэкIа умыщIэну, «уныддемыжьэныр Iэмал зимыIэщ» жызыIэу, си яужь къиува щIалэхэм дыздэкIуэну зызыхуэдгъэпсар Къэбэрдей-Балъкъэрым и гъунапкъэр къуэкIыпIэ-ипщэ лъэныкъуэмкIэ иджырей Осетие-Ищхъэрэ-Аланием щегъэщIылIа щIыпIэм и Iэхэлъахэрт.

Урысей Федерацэм бэнэкIэ хуитымкIэ хъыджэбзхэм я деж пашэныгъэр къыщыхьыным хуэунэтIа зэхьэзэхуэ Ивановэ къалэм щекIуэкIащ. Абы щызэпеуащ ди къэралым и щIыналъэхэм ящыщу 50-м я спортсменкэу 300-м щIигъу, я ныбжькIэ илъэс 16-м щIимыгъуауэ.

Балъкъэрхэм я къэщIэрэщIэжыныгъэм и махуэр щагъэлъапIэм ирагъэхьэлIэу Нал­шык къалэм и «Гладиатор» спорт комплексым щекIуэкIащ дзюдомкIэ республикэ зэхьэзэхуэ. Абы щызэпеуащ 2010-2011 гъэ­хэм къалъхуа бэнакIуэ ныбжьыщIэхэр икIи я хьэлъагъ елъытауэ ахэр гупибгъуу гуэшауэ щытащ. 

 Карате

Ставрополь щIыналъэм щохьэщIэ

Ставрополь къалэм щекIуэкIащ а щIыналъэм киокусинкай каратемкIэ и зэхьэзэхуэ зэIуха. Хэгъэрейхэм нэмыщI, абы щызэпеуащ Краснодар крайм, Орлов областым, Шэшэным, Дагъыстэным, Адыгейм, Къэбэрдей-Балъкъэрым я спортсмену, щIалэхэри хъыджэбзхэри зэхэту, 300-м щIигъу.

Бахъсэн щIыналъэм щIыпIэ унафэр щызехьэнымкIэ и IуэхущIапIэм пкъыгъасэмрэ (физкультурэмрэ) спортымкIэ IэнатIэм зегъэужьыным теухуа зэIущIэ иджыблагъэ щекIуэкIащ.

Шэджэм щIыналъэм хыхьэ Щхьэлыкъуэ къуажэм и спорт комплексыщIэм къыщызэIуахащ зи Iэпкълъэпкъым сэкъат иIэ сабийхэм хуэщIа спорт лIэужьыгъуэхэм зегъэужьынымкIэ, дзэ Iуэху хэхам хэтахэр реабилитацэ щIынымкIэ центр.
Иджыпсту абы зыщагъасэ зи Iэ-лъакъуэхэр дахэ-дахэу къыдэмыбз сабийуэ 10-м. Абыхэм я Iэпкълъэпкъыр гъэбыдэнымрэ зегъэужьынымрэ хуэгъэпса программэ щхьэхуэхэр ягъэхьэзыращ, спорт тренажерхэр, Iэмэпсымэхэр къащэхуащ.