Сосрыкъуэ Америкэми къыщацIыху

5 марта, 2024 - 07:01

Мексикэм и Акапулькэ къалэм иджыблагъэ щекIуэкIащ бэнэкIэ хуитымкIэ, алыдж-урым бэнэкIэмкIэ, цIыхубз бэнэкIэмкIэ 37-нэ Пан-Американ чемпионатыр. Абы щызэпеуащ Америкэ щIыналъэхэм я къэралхэм я бэнакIуэхэр.

Ди гуапэ зэрыхъущи, алыдж-урым бэнэкIэмкIэ килограмм 82-рэ зи хьэлъагъхэм я деж япэ увыпIэр къыщихьащ Къэбэрдей-Балъкъэрым къыщалъхуа, 2023 гъэм щегъэжьауэ Бразилием и командэм хэту зыкъэзыгъэлъагъуэ Къуэдзокъуэ Сосрыкъуэ. 
Дыщэ медалым хуэкIуэн ипэкIэ адыгэ щIалэм хигъэщIащ Мексикэм и бэнакIуэ Торрес Диегэ, зэIущIэм и бжыгъэр 8:0-у. Абы иужькIэ кIэух зэпеуэм Сосрыкъуэ къыпэщIэтащ США-м и бэнакIуэ Саби Мэхьмуд икIи бжыгъэр 5:2-уэ абыи къыфIихьащ.

ТАМОКЪУЭ Едыдж.
  • 25 просмотров
Поделиться:

Читать также:

29.04.2024 - 12:26 → Дызэрыпагэ гъуащхьэтет
25.04.2024 - 17:30 → Олимп чемпионыр ящыгъупщэркъым
25.04.2024 - 17:00 → Кубокыр къыздашэ
23.04.2024 - 20:03 → Уанэш зэхьэзэхуэшхуэ
23.04.2024 - 17:06 → Гуп зэпеуэм япэ щыхъуащ