ИлъэсыщIэм - ехъулIэныгъэфIхэмкIэ

23 декабря, 2021 - 06:34

Мы илъэсыр икIыху Ново-Ивановскэм и мэкъу­мэш фермер IуэхущIапIэм и зэфIэкI псори ирихьэлIащ шэ нэхъыбэ къызэрыщIишынымрэ фIагъ зыбгъэ­дэлъ гъэшхэкIхэр зэригъэхьэзрынымрэ.

Iэщышхуэу мини 2-м щIигъу яIэщи, абы и Iыхьэ щанэр жэм къашщ. Ипэ ита илъэсым зы жэмым хуэзэу шэ тонни 3 къыщIашамэ, предприятэр зыхуей- зыхуэфIхэмкIэ къызэрызэрагъэпэщрэ, тонн мини 6-м нэсащ. Зы жэщ-махуэм IуэхущIапIэм шэ тонн 15-м нэблагъэ зыхуей хуегъазэ. Абы иIэщ гъэшым и фIагъыр къыщапщытэ лабораторэ зэпэщ, кхъуей, кхъуейлъалъэ, шатэ, шатэпс къабзэ къыщыщIагъэкI цеххэр. Псом ящхьэращи, цIыхум и узыншагъэм зэран хуэхъу пкъыгъуэхэм сыткIи къыпакIухь. IэщIагъэлIхэм зэрыжаIэмкIэ, совет лъэхъэнэм зэрагъэхьэзыру щыта Iэмалхэмрэ ГОСТ-м и щапхъэхэмрэ ноби ткIийуэ тетщ, ар яхъуэжынуи загъэхьэзыркъым. Аращ я гъэшми гъэшхэкIхэми сыт щыгъуи хуэдэу щIэупщIэ щIиIэр.
IэмэпсымэщIэхэмкIэ узэда IуэхущIапIэм къыщIигъэкI ерыскъы зэмылIэужьыгъуэхэм хигъахъуэ зэпытщ. Фермер IуэхущIапIэм иужьрей илъэс зыбжанэм лэжьыгъэ пыухыкIахэр ирегъэкIуэкI гъэшышхуэ къозыт Iэщ лъэпкъыфIхэр зэгъэпэщыным теухуауи.
Предприятэм иIэщ щIымахуэм Iэщым ирагъэшхыну щхъуантIагъэмрэ къэуат зыщIэлъ Iусыпхъэмрэ къы­зытрах мэкъупIэхэмрэ гъавэщIапIэхэмрэ.Мы гъэм ­мэкъумылэу ягъэтIылъам хуиту хозяйствэр гъэ щIигъэкIынущ, уеблэмэ гъунэгъу IуэхущIапIэхэми щадэIэпыкъу щыIэу.

ШЭРЭДЖ Дисэ.
  • 11 просмотров
Поделиться:

Читать также:

11.05.2026 - 15:18 → ЩIэуахътыншэри аращ
11.05.2026 - 14:16 → ЗауитIми я лIыхъужь
11.05.2026 - 13:15 → 115-нэ шуудзэм теухуауэ иджыри зэ
11.05.2026 - 12:13 → Щапхъэ дахэ игъэлъагъуэрт
11.05.2026 - 10:11 → ЦIыху зэпIэзэрыт