Нефтекумскдэсым фIыщIэ къахуещI

17 февраля, 2022 - 06:30

КъБР-м щыIэ МВД-м дзыхь зрагъэз и телефоным къэпсэлъащ Ставрополь крайм щыщ Нефтекумск къалэм щыпсэур икIи фIыщIэ яхуищIащ Урысей МВД-м Лэскэн районым щиIэ къудамэм и гъуэгу плъыр къулыкъум и лэжьакIуэхэм.

Нефтекумскдэсыр 2022 гъэм мазаем и 7-м и «КамАЗ»-м ису гъуэгу здытетым Анзорей къуажэм деж и машинэм ипэ шэрхъым мафIэ къыщIэнащ. А дакъикъэм а щIыпIэм блэжрэ пэт къэхъуам гу лъатащ Урысей МВД-м Лэскэн районым щиIэ къудамэм и ДПС-м и инспекторхэм - полицэм и лейтенантхэу Мэсей Зауррэ ТекIужь Залымрэ. Абыхэм псынщIэ дыдэу мафIэр ягъэункIыфIащ, гъуэгум тетхэр щытыкIэ гугъу къимыхутэн хуэдэу.

ЗыIэдэIэпыкъуа шоферым автоинспекторхэм фIыщIэ къахуищIащ, я лэжьыгъэм ехъулIэныгъэхэр щызыIэрагъэхьэнуи къехъуэхъуащ.

БАХЪСЭН Ланэ.
  • 11 просмотров
Поделиться:

Читать также:

16.12.2025 - 16:30 → Ди Пщызэбий
16.12.2025 - 16:15 → И зэран къомыкIмэ…
16.12.2025 - 13:02 → ЩIыналъэхэр ягъэдахэ
16.12.2025 - 09:00 → Iуащхьэмахуэ лъапэ зрагъэужь
15.12.2025 - 11:37 → Щыпсэу щIыналъэм къыщалъыхъуэ