Гъэмахуэ зыгъэпсэхупIэхэм

Къардэным и цIэр зэрихьэу Бахъсэн къалэм дэт курыт еджапIэ №10 - нэм къыщызэIуахащ «Дыгъэшыр» лагерыр.

Махуэ 21-кIэ абы зыщагъэпсэхунущ илъэси 6 - 14 ныбжьым ит сабийуэ, ныбжьыщIэу 93 -м. Сабийхэм тэмэму загъэпсэхунымкIэ, я нэгу зрагъэужьынымкIэ зыхуеину псори яIэщ: спорт утхэр, концерт тыпIэхэр, джэгупIэхэр. Сабий къэс щхьэхуэу зэрадэлэжьэным хуэгъэпса нэгузыужь программэхэр къулейщ, щIэщыгъуэщ.
Лагерым щыIэ цIыкIухэр егугъуу ягъашхэ, япэу къежьэ пхъэщхьэмыщхьэхэмрэ хадэхэкIхэмрэ пэрыхьэту яIэщ. Абыхэм къадоIэпыкъу щIыналъэм и бэджэндырылажьэхэр.
Лагерым и гъэсакIуэхэм я зэфIэкI псори ирахьэлIэ цIыкIухэм я дэтхэнэ зы зыгъэпсэхугъуэ махуэри гукъинэжу зэрагъэкIуэным. Сабийхэм я Iэпкълъэпкъым зезыгъэужь джэгукIэхэр ирагъащIэ, дунеяплъэ яшэ, спорт зэхьэзэхуэхэр драгъэкIуэкI, псы Iуфэхэм жьы къабзэкIэ щагъэбауэ, сурэт щIыным, IэпщIэлъэпщIэным дихьэххэм я гъэлъэгъуэныгъэхэр ирагъэкIуэкI.