Ди къуэшхэр къытхуоблагъэ

Мэкъуауэгъуэм и 27 - 28-хэм Адыгей Республикэм и махуэхэр Къэбэрдей-Балъкъэрым ще­кIуэкIынущ, абы и къэралыгъуэр илъэси 100 зэрыри­къум и щIыхькIэ. 

Мэкъуауэгъуэм и 27-м сы­хьэт 12-м СурэтыщI гъуазджэхэмкIэ музейм, Ткаченкэ Андрей и цIэр зезыхьэм, къыщызэIуахынущ Адыгейм и цIыхубэ IэпщIэ­лъапщIэхэм я IэрыкIхэм я гъэлъэгъуэныгъэ. Пщыхьэщхьэм сыхьэт 19-м КъБР-м и Музыкэ къэрал теат­рым щекIуэкIынущ Республикэм и филармонием и Къэрал симфоние оркестрым и концерт.
Мэкъуауэгъуэм и 28-м сыхьэт 15-м Кавказ Ищхъэрэм ГъуазджэхэмкIэ и къэрал институтым Щэнхабзэмрэ гъуазджэмкIэ и кол­ле­джым и концерт пэшым концерт щитынущ «Русская удаль» къэ­рал оркестрым. Сыхьэт 19-м Що­джэнцIыкIу Алий и цIэр зезыхьэ Къэбэрдей къэрал драмэ теат­рым щагъэлъэгъуэнущ Адыгей Республикэм Цей Ибрэхьим и цIэр зезыхьэ и Лъэпкъ театрым и спектакль.