ГъащIэ узыншэм хуаущий

КъБР-м щыIэ МВД-м Наркотик­хэм кIэлъыплъынымкIэ и управ­ленэм и лэжьакIуэхэм профилактикэ Iуэху щрагъэ­кIуэкIащ Уры­сей ФСИН-м и управленэу КъБР-м щыIэм и колонием. Ар ирагъэ­хьэлIат Наркоманиемрэ наркотикхэр щэным­рэ ебэныным и дунейпсо махуэм. Тезырыр езыхьэкI­хэм гурагъэIуащ наркотикхэкI­хэмрэ акъылыр зыгъэутхъуэ пкъы­гъуэхэмрэ игъэкIыным уголовнэ, административнэ жэуапым узэрыришалIэр.

Iуэху щхьэпэм хэтащ КъБР-м щыIэ МВД-м и УНК-м и опер­упол­номоченнэ нэхъыжь Давыдовэ Иринэ, Урысей ФСИН-м и ­управленэу КъБР-м щыIэм колоние №3 къэрал кIэзонэ Iуэху­щIапIэм и уна­фэщIым и къуэдзэ, къэрал кIуэцI къулыкъум и подполковник Габаев Марат «СПИД-мрэ инфекцэ узы­фэхэмрэ япэ­щIэтынымрэ профи­лактикэмкIэ центр» IуэхущIапIэм и доху­тыр-инфекционист Хьэкъун Ма­ринэ сымэ.
Нэхъыщхьэу ар теухуат суд зытращIыхьахэр зыщIэгупсысыжу гъуэгу захуэр къыхахыжыным, ахэр фIым хуэущииным, фадэм­-рэ наркоти­кым­рэ итхьэкъуахэм ядэIэпыкъу­ным, фадэхэкI, нар­котикхэкI, акъы­лыр зыгъэутхъуэ пкъыгъуэхэм зы­хуишэр ягу­рыгъэIуэным.