Гъавэ бэвкIэ щогугъ

Шэрэдж щIыналъэм мы гъэм хьэцэпэцэрэ мэкъумылэу гектар 4790-м нэблагъэ щыхасащ. 

Бжьыхьэсэ гектар 1650-м щыщу гектар 650-р гуэдзщ, 250-р хьэпцIийщ, 300-р бы­лым къэбыстэщ. Гъатхасэр гектар 3140-рэ мэхъу: ерыскъыпхъэ нартыхуу гектар 2010-рэ, силосыпхъэу гек­тар 430 -рэ, сэхурану - 200, кIэртIофу - 500.
Гъэр сыт хуэдэу гугъуу щы­тами, къэкIыгъэ­хэм я щытыкIэм арэзы ­укъещI. Гъатхэм щы­щIэ­дзауэ хьэ­сэхэм щIыгъэпшэрхэмкIэ елэ­жьащ, и чэзум ­ягъэ­щэба­щ, япщIащ. ­Тех­никэмрэ да­гъэ­гъэ­сы­ныпхъэмкIэ къызэ­гъэ­пэща хо­зяйствэхэм я Iуэхур тэмэмщ. Мы зэманым мэкъумэ­шы­щIэхэр иужь итщ гъавэр кIэрыхуншэу зэрыIуа­хы­жыным. Гъатхэр щIыIэ­тыIэу зэ­ре­кIуэкIами емы­лъытауэ, гъавэ бэвкIэ мэгугъэхэр.
Шэрэдж щIыналъэри зэфIэкI хъарзынэкIэ хэуващ 2022 гъэм ди ­республикэм нартыхурэ хьэ­цэпэцэу къыщрахьэ­лIэжыну гектар мин  ­223-м.
Фызэрыщыгъуазэщи,  дунейм и щытыкIэм елъытауэ, сэгъуэри гъавэм и Iухыжыгъуэри щаублэр мащIэу нэхъ гувауэщ, ауэ абы щхьэкIи къэ­мынэу, гъавэ бэви ха­дэхэкI бэгъуаи къыщ­рахьэлIэж, я пхъэщ­хьэ­мыщхьэм хуэдэу къабзэ къэгъуэтыгъуейщ.