Хуитыныгъэм и уасэр къыгурыIуэри

Балигъ мыхъуа и пхъум папщIэ алиментхэр тыным зыпыIуидзурэ сом мин 2I6-рэ щIыхуэу зэтригъэхьат Налшык щыщ гуэрым. 
Сабийм и хуитыныгъэм къыщхьэщыжурэ суд пристав-гъэзэщIакIуэр щIыхуэ зытелъым хуэгъэза зэрыхагъэзыхь Iэмалхэм хуекIуащ: Урысейм икIыну, рулми дэсыну хуимыту унафэ къащтащ, цIыхухъум банкхэм щиIэ мылъкур къигъэсэбэпынри хабзэм ипкъ иткIэ паубыдащ. А псом яужькIи  цIыхухъум игу пыкIыртэкъым и пхъум хуэщIапхъэр.
Сыхьэт 20-кIэ Iэмал имыIэу зэрагъэлэжьари сэбэп хуэхъуакъым адэр зыщIэгупсысыжыным.
ЩытыкIэм зезыгъэхъуэжар къуэншар уголовнэ жэуапым зэрырашэлIарщ: алиментхэр зэримытым къыхэкIыу ар мазийкIэ ягъэтIысащ. Колонием щигъэкIуа зэманым къриубыдэу налшыкдэсым къыгурыIуащ ар мылъкукIэ дэмыIэпыкъумэ, и щхьэгъусэу щытам я пхъур зыхуей зэрыхуимыгъэзэфынур. 
Щхьэхуит зэрыхъужу абы щIыхуэу телъыр зытригъэкIыжащ.