ПцIым фIым ухуишэркъым

Урысей ФСБ-м и Управленэу КъБР-м щыIэм и лэжьакIуэхэм коррупцэм пэщIэтынымкIэ Iуэхухэр щрагъэкIуэкIым къызэпаудащ къулыкъу зыIыгъым зэрихьэ хабзэншагъэр.
Шэч зыхуащIым, Урысей ФСИН-м и Управленэу КъБР-м щыIэм и лэжьакIуэм, хъыбар нэпцIхэр къыщигъэлъагъуэрт медицинэ къэпщытэныгъэм кърикIуахэм - суд зытращIыхьахэр зэрымыузыншэм къыхэкIыу тезырхэр щагъэзэкIуэж щIыпIэхэм бгъакIуэ мыхъун хуэдэу иритхэрт.
УФ-м и Следственнэ комитетым КъБР-м щиIэ управленэм уголовнэ Iуэху къиIэтащ, шэч зыхуащIым УФ-м и УК-м и 292-нэ статьям и I-нэ Iыхьэм къыщыхьа щIэпхъаджагъэхэр илэжьауэ ягъэкъуаншэу. Ар илъэси 2-кIэ ягъэтIысынкIэ мэхъу.
 Терроризмэм и телъхьэт
Урысей ФСБ-м и Управленэу КъБР-м щыIэм и лэжьакIуэхэм экстремизмэм пэщIэт лэжьыгъэхэр ирагъэкIуэкIыу яубыдащ республикэм щыпсэу, терроризмэр къуаншагъэу къэзымылъытэ цIыхубзыр.
Налшык къалэм щыпсэу Урчуковэ И.Т., и цIэр къыщимыгъэлъагъуэ напэкIуэцIыр къигъэсэбэпурэ, социальнэ сетхэм ящыщ зым ирилъхьащ террор хьэгъэщагъэ зехьэным къыхуезыджэ икIи терроризмэр дэзыIыгъ тхыгъэхэр. Ипщэ округым и дзэ судым и унафэ къару зыгъуэтамкIэ Урчуковэ И.Т. къуаншэу къалъытащ УФ-м и УК-м и 205.2-нэ статьям и 2-нэ Iыхьэм къыщыхьа щIэпхъаджагъэр илэжьауэ икIи сом мин 300 къуэдыуэ итыну тралъхьащ.