Пхъэхуейм ихъума щэхуЖыгейм сэбэпынагъыу иIэр, псалъэ лей хуэмеижу, псоми ящIэ: къыпыкIэ мышхумпIэр мэз псэущхьэхэм я шхыныгъуэщ, уеблэмэ гъатхэм хуиту тригъэхьэу. КъищынэмыщIауэ, жыгейм и пхъафэр и хущхъуэшхуэщ щIыIэ, дзэл, лъынтхуэ узхэм. ГъащIэшхуэ зиIэ жыгейр лъэныкъуэкIэ иригъэкIуэтэкIауэ жыпIэ хъунущ пхъэхуейм. Новосибирскрэ Красноярскрэ я щIэныгъэлIхэм иджыблагъэ къызэрахутамкIэ, Урысейм и щIыналъэ псори зи хэщIапIэ а жыг IэмащIэлъэмащIэ дахащэм зыри зыпэмыплъа хущхъуэгъуэ ихъумэу къыщIэкIащ; пхъэхуейм къыхащIыкIа композит пкъыгъуэхэм лышхым и клеткэхэр екъутэ, и бэгъуэнри къызэтрегъэувыIэ. - Бетулиным и дипропионатыр зи лъабжьэ икIи псы къызэрыгуэкIымкIэ зыхэпщIэ хъу композитхэмкIэ хуиту лышх узыфэм уебэныфынущ,-жаIащ сыбыр щIэныгъэлIхэм. Зи гугъу ищI пкъыгъуэр дунейм езым къегъэщI, бетулиным и эфирымрэ пропионовэ кислотамрэ къыхэкIыу. Абы къыхах пкъыгъуэм дыщIагъуащ псым ар тыншу хэзыгъэткIухь полисахаридымрэ пхъэм къыхах арабиногалактанымрэ. Лышхым имызакъуэу, ар узыфэ куэдым хуэсэбэпынущ. ЩIэныгъэлIхэм къызэрыхагъэщамкIэ, бетулиным и эфирырщ лышх клеткэхэр ипIэм имыкIыу зэщIэзыубыдэри зэхэзыкъутэри. Ар зи IэдакъэщIэкIхэр щогугъ, дызыхуэкIуэ зэманым апхуэдэ къэхутэныгъэм фармакологием увыпIэшхуэ щиубыдыну, зэрыфщIэщи, ди къэралым пхъэхуейр и мащIэкъым.
Поделиться:
Читать также:
28.04.2024 - 17:33 →
Псыхэр къабзэ хъун папщIэ
28.04.2024 - 13:01 →
Архитекторхэм я зэфIэкIхэр
28.04.2024 - 11:59 →
Пэрыт увыпIэр адэкIи иIыгъынущ
28.04.2024 - 10:57 →
ПсэупIэщIэхэр - гуфIэгъуэ щIыкIэм тету
27.04.2024 - 16:12 →
ЩIыуэпсым хэт пэлъэщыфар?!
|