Хабзэм тетыным хуаущий

Урысей ФСИН-м и Управленэу КъБР-м щыIэм и Уголовнэ-гъэзэщIакIуэ инспекцэм щрагъэкIуэкIащ щIэпхъаджагъэ мыхьэлъэ зылэжьахэм ящыщу жылагъуэм пэмыIэщIэу яIыгъыну суд зытращIыхьахэр терроризмэмрэ экстремизмэмрэ хамышэным, апхуэдэуи ахэр къытрагъэзэжу хабзэм емыбэкъуэным хуэзыущий Iуэху щхьэпэ.

Абы хэтащ КъБР-м щыIэ УФСИН-м и унафэщIым и къуэдзэ Болэ Айвар, Къэбэрдей-Балъкъэрым и Муслъымэнхэм я дин IуэхущIапIэм и тхьэмадэм и къуэдзэ Джэдгъэф Аслъэн, УФСИН-м и инспекцэм и унафэщIым и къуэдзэ КIуэкIуэ Алим.

Абыхэм суд зытращIыхьахэм гурагъэIуащ гъащIэм щзыщытетын хуей хабзэ нэхъыщхьэхэр, ислъамым къигъэувхэм я мыхьэнэмрэ лъапIэныгъэмрэ. Дин лэжьакIуэхэм къызэхуэсахэр къыхураджащ ислъамыр щаджкIэ набдзэгубдзаплъэу щытыну икIи абы фIыуэ хэзыщIыкIхэм я чэнджэщхэм тетыну, упщIэ яIэмэ еджагъэшхуэ Iимамхэм зыхуагъэзэну. Апхуэдэуи тепсэлъыхьащ щIалэгъуалэр гъэсэн, нэхъыжьхэм пщIэ яхуэщIын, унагъуэм зэгурыIуэныгъэ илъын зэрыхуейм, нэгъуэщIхэми.

Суд зытращIыхьахэм упщIэхэр я куэдти, дин лэжьакIуэхэм абыхэм жэуап иратащ. Iуэхум хэтащ суд зытращIыхьауэ Налшык къалэм тезырхэр гъэзэкIуэжынымкIэи къудамэм и учётым щыту 13, абыхэм ящыщу 6-р судым ирашэлIащ террорист, экстремист щIэпхъаджагъэхэм зэрапыщIам къыхэкIыу.

 

КъБР-м щыIэ УФСИН-м и пресс-IуэхущIапIэ.
Поделиться: