УФСБ-м къет

Сом мелуани 8-м щIигъу

 
Экономикэм пыщIа щIэпхъаджагъэхэм пэщIэт Iуэхухэр Урысей ФСБ-м и Управленэу КъБР-м щыIэм, КъБР-м щыIэ МВД-м я лэжьакIуэхэм ирагъэкIуэкIыу къыщIагъэщащ «Фадеев А. А. 1925 - 1926 гъэхэм щыпсэуа икIи «Разгром» романым щелэжьа унэ» щэнхабзэ мыхьэнэшхуэ зиIэ ухуэныгъэм зэгъэпэщыжыныгъэ лэжьыгъэхэр щыщрагъэкIуэкIым бюджет ахъшэу сом мелуани 8,2-м щIигъу зэрадыгъуар. 
КъБР-м щыIэ УФСБ-м и Следственнэ IэнатIэм уголовнэ Iуэху къиIэтащ. Хабзэм ипкъ иткIэ, апхуэдэ щIэпхъаджагъэ зылэжьар илъэси I0-м нэскIэ ягъэтIысынкIэ хъунущ. 

НаркотикхэкIхэр къытрах 

 НаркотикхэкIхэр хабзэм ебакъуэу ирагъэкIыным пэщIэт Iуэхухэр Урысей ФСБ-м и Управленэу КъБР-м щыIэм, Урысей МВД-м и ВОГОиП-м я лэжьакIуэхэм ирагъэкIуэкIыу яубыдащ гъунэгъу щIыналъэм щыщ цIыхуитI, афиянхэкIхэр Кавказ Ищхъэрэ щIыналъэм куэду щигъэкIыным пыщIахэр. 
 Шэч зыхуащIхэм къагъэсэбэп автомашинэр къыщащым къагъуэтри къытрахащ синтетикэ наркотикхэкI кг 0,445-рэ зэрылъ полимер зэкIуэцIышыхьауэ 4. 
КъБР-м щыIэ УФСБ-м и Следственнэ IэнатIэм уголовнэ Iуэху къиIэтащ УФ-м и УК-м и 30-нэ статьям и 3-нэ Iыхьэм, 228.1 статьям и 5-нэ Iыхьэм къыщыхьа щIэпхъаджагъэ зэралэжьам теухуауэ икIи ахэр илъэс 20-м нэскIэ ягъэтIысынкIэ хъунущ.