НэхъыфIхэр ягъэлъапIэ

11 декабря, 2022 - 08:05

КъБР-м щыIэ МВД-м Iуэху гуапэ щекIуэкIащ. Республикэм къэрал кIуэцI IуэхухэмкIэ и IэнатIэхэмрэ къэрал кIуэцI дзэхэмрэ я ветеранхэм я советым и тхьэмадэ Пыхъ МуIэед УФ-м и ОВД-м и ветеранхэм я урысейпсо жылагъуэ зэгухьэныгъэм и дамыгъэ лъапIэхэр яритащ лэжьыгъэм къыхэжаныкIахэм.

«Ветеран зэщIэхъееныгъэм зегъэужьыным хуищIа хэлъхьэныгъэм папщIэ» медалыр къыхуагъэфэщащ КъБР-м щыIэ МВД-м и Тылым и унафэщI, къэрал кIуэцI къулыкъум и полковник Корниенкэ Сергей.

«И лэжьыгъэфIым папщIэ» медалыр иратащ Урысей МВД-м и Управленэу Налшык къалэм щыIэм и унафэщI, полицэм и полковник Шыбзыхъуэ Хьэчимрэ Урысей МВД-м Дзэлыкъуэ районным щыIэ и къудамэм и унафэщI, полицэм и полковник Джэрыджэ Борисрэ.

БАХЪСЭН Азэмэт.
  • 17 просмотров
Поделиться: