ПсымкIэ къызэрагъэпэщынущ

3 февраля, 2023 - 15:05

Бахъсэн щIыналъэм километр 70 и кIыхьагъыу щаухуэну псы жапIэ зэрыIыгъыр ди республикэм щекIуэкIыну ухуэныгъэ нэхъ инхэм ящыщщ. Абы ехьэлIа лэжьыгъэ псори 2023 гъэм икIэм зэфIагъэкIыну я мурадщ.

Ухуэныгъэм сом мелардитI текIуэдэнущ. Мыр зэфIэкIмэ, щIыналъэм щыпсэу цIыху мин 98-р псымкIэ тэмэму къызэгъэпэща хъунущ.
2023 гъэм Шэджэм щIыналъэми щыпащэнущ псы зэхуэхьэсыпIэхэр зэгъэпэщыжыным теухуа лэжьыгъэм: псы къыщIэшыпIэхэр яухуэнущ, жьы хъуа бжьамийхэр щIэкIэ яхъуэжынущ. Шэджэм Ищхъэрэ къуажэм. километри 4-кIэ бжьамийхэр щIалъхьэнурэ, псынэпс къыщIэжыпIэхэм падзэжынущ икIи абы и фIыгъэкIэ жылагъуэм Iэрыхьэнущ зы сыхьэтым хуэзэу псы кубометр 520-рэ, псы зэфэнумрэ къагъэсэбэпынумкIэ цIыхухэр щIэпIейтеин (псом хуэмыдэу гъэмахуэм) щымыIэжу.
 

Шэрэдж Дисэ.
  • 9 просмотров
Поделиться:

Читать также:

25.04.2024 - 16:00 → ЩIэщхъуитI
25.04.2024 - 14:33 → Iус зэхэлъым къыщIэупщIэм хохъуэ
25.04.2024 - 13:00 → Хэкур фIыуэ лъагъуным хуаущий
25.04.2024 - 11:30 → IэнатIэм зеужь
25.04.2024 - 10:04 → Зэныбжьэгъугъэм и щыхьэт