Илъэси 6-кIэ ягъэтIысынкIэ мэхъу

Урысей ФСБ-м и Управленэу КъБР-м щыIэмрэ КъБР-м щыIэ МВД-мрэ я лэжьакIуэхэм экономикэ щIэпхъаджагъэхэм пэщIэтынымкIэ Iуэхухэр щрагъэкIуэкIым къызэпаудащ «Егъэджакуэхэм я Iэзагъэм хэгъэхъуэнымкIэ центр» къэрал бюджет IуэхущIапIэм и унафэщIу щытахэм язым зэрихьа хабзэншагъэр.

Абы республикэм и егъэджакIуэхэм я IэщIагъэм хагъэхъуэнымкIэ программэр пхигъэкIыу, цIыхухэм щIэныгъэ ягъэгъуэтыным теухуа зэгурыIуэныгъэ нэпцI 45-рэ ярищIылIащ. Апхуэдэ хабзэншагъэм кърикIуащ хэщIыныгъэ сом мелуан 1,5-м нэблагъэ.

Шэч зыхуащIым теухуа уголовнэ Iуэху къаIэтащ УФ-м и УК-м и 159-нэ статьям и 4-нэ Iыхьэм къыщыхьа щIэпхъаджагъэхэр илэжьауэ ягъэкъуаншэу. Апхуэдэу хабзэм ебэкъуар илъэси 6-кIэ ягъэтIысынкIэ мэхъу.

ТкIийуэ яIыгъынущ

Урысей ФСБ-м и Управленэу КъБР-м щыIэмрэ КъБР-м щыIэ МВД-мрэ я лэжьакIуэхэм экстремизмэм пэщIэт лэжьыгъэхэр ирагъэкIуэкIыу къызэпаудащ КъБР-м щыпсэу, илъэс 32-рэ зи ныбжь Чеченов А. Р., терроризм Iуэхум пыщIам, зэрихьэ щIэпхъаджагъэр.

 КъызэрыщIагъэщамкIэ, Чеченов А. Р. щIыпIэм щыпсэухэр хигъэхьэрт дунейпсо террорист зэгухьэныгъэхэм.

Ипщэ округым и дзэ судым и унафэ къару зыгъуэтам ипкъ иткIэ, Чеченов А. Р. къалъытащ УФ-м и УК-м и 222-нэ статьям и 4-нэ Iыхьэм, УФ-м и УК-м и 205-нэ статьям и 1.1 Iыхьэм къыщыхьа щIэпхъаджагъэхэр илэжьауэ икIи илъэси 10 тралъхьащ, хабзэхэр щыткIий тутнакъэщым щрихьэкIыну.