Къэралпсо зэпеуэм щыещанэщ

Къэрал кIуэцI IуэхухэмкIэ министру КъБР-м щыIэ Павлов Василий ехъуэхъуащ Урысей чемпионатым ехъулIэныгъэ къыщызыхьа я лэжьакIуэхэм.
2023 гъэм щIышылэм и 24 - мазаем и 4-хэм Суздаль къалэм щекIуэкIащ Урысей МВД-м Iэщэншэу зыхъумэжынымрэ самбэмкIэ и чемпионат.
Зэхьэзэхуэм хэтащ къэралым и щIыналъэ 50-м щIигъум щыщхэр - къэрал кIуэцI IуэхухэмкIэ органхэм я лэжьакIуэхэр, апхуэдэуи ведомствэ еджапIэхэм я лIыкIуэхэу Урысейм спортымкIэ и мастеру, дунейпсо класс зиIэу 35-рэ.
КъБР-м щыIэ МВД-м и гупым командэ зэпеуэхэм ещанэ увыпIэр къыщихьащ.
Полицэм и генерал-лейтенант Павлов Василий кубокымрэ дипломымрэ иритащ командэм и лIыкIуэ, гъэсакIуэ, КъБР-м щыIэ МВД-м и УРЛС-м IэщIагъэм хуэгъэхьэзырынымкIэ и IэнатIэм и унафэщI, полицэм и майор Къуэныкъуей Азэмэт; щхьэзакъуэ зэпеуэхэм етIуанэ увыпIэр къыщызыхьа, КъБР-м щыIэ МВД-м и УНК-м и «Гром» гуп хэхам и оперуполномоченнэ нэхъыщIэм дыжььын медалрэ щIыхь тхылърэ.
- Афэрым, пщIэ зиIэ апхуэдэ чемпионатым фызэрыхэтам икIи екIуу зыкъызэрыщывгъэлъэгъуам папщIэ. АдэкIи ехъулIэныгъэхэр фи лэжьыгъэ IэнатIэм, текIуэныгъэ екIухэр спорт зэхьэзэхуэхэм щывиIэну си гуапэщ, - къыхигъэщащ министрым.