НаркотикхэкI грамм 406-м щIигъу

 НаркотикхэкIхэр хабзэм ебакъуэу ирагъэкIыным пэщIэт Iуэхухэр Урысей ФСБ-м и Управленэу КъБР-м щыIэм, КъБР-м щыIэ МВД-м я лэжьакIуэхэм ирагъэкIуэкIыу къыщIагъэщащ республикэм афиянхэкIхэр куэду къихьэныр къызэгъэпэщыным пыщIа цIыхум илэжь щIэпхъаджагъэр.

Хамэ къэрал щыщ цIыхухъум иригъэкIыну зыхэта «героин» грамм 406,52 -рэ къытрахащ.
УФ-м и УК-м и 30-нэ статьям и 3-нэ Iыхьэм, 228.I статьям и 4-нэ Iыхьэм и «г» пунктым къыщыхьа щIэпхъаджагъэр зэрилэжьам теухуа уголовнэ Iуэху къаIэтащ икIи ар илъэс 20-м нэскIэ ягъэтIысынкIэ хъунущ.
Контрафакт тутынхэкIхэр
Урысей ФСБ-м и Управленэу КъБР-м щыIэм, КъБР-м щыIэ МВД-м я лэжьакIуэхэм контрабандэм пэщIэтынымкIэ Iуэхухэр ирагъэкIуэкIыу къызэпаудащ Налшык щыпсэу, хабзэм къемызэгъыу тутынхэкIхэр игъэкIыным пыщIам илэжь щIэпхъаджагъэр.
Налшыкдэсым къигъэсэбэп пэшхэр къыщащым къагъуэтри къытрахащ хамэ къэралым, ди къэралым къыщыщIагъэкIа тутынхэкI пачкэ мин 70, федеральнэ маркэхэр темыту, экспертизэм къызэригъэлъэгъуамкIэ, акцизхэр нэпцIу. Къытрахар сом мелуани 7,5-рэ и уасэщ.
Шэч зыхуащIым теухуа уголовнэ Iуэху къаIэтащ УФ-м и УК-м и I7I.I статьям и 6-нэ Iыхьэм и «б» пунктым къыщыхьа щIэпхъаджагъэр илэжьауэ. Ар илъэси 6-кIэ ягъэтIысынкIэ мэхъу.