Фэеплъыр яхъумэ

КъБР-м и Iэтащхьэ КIуэкIуэ Казбек, зауэлIхэм я фэеплъым пщIэ хуищIу, Хэкум и хъумакIуэм и махуэм удз гъэгъахэр трилъхьащ «ЩIыхьым и мафIэ мыужьых» фэеплъым.

Зэхыхьэм хэтащ КъБР-м и Парламентым и УнафэщI Егоровэ Татьянэ, КъБР-м и Правительствэм и Iэтащхьэ Мусуков Алий, УФ-м и Президентым и полномочнэ лIыкIуэу Кавказ Ищхъэрэ федеральнэ щIыналъэм щыIэм и аппаратым КъБР-м къегъэщIылIа и федеральнэ инспектор нэхъыщхьэ Мэкъуауэ Тимур, министрхэр, Налшык къалэ округым и щIыпIэ самоуправленэм, хабзэхъумэ IэнатIэхэм, ветеран, щIалэгъуалэ зэгухьэныгъэхэм я лIыкIуэхэр.
Хэкум и хъумакIуэм и махуэр щагъэлъапIэ зэхуэсхэр республикэм и къалэ, район псоми щекIуэкIащ.