Бдзэжьей уэшхАвстралием телъыджэ куэд къызэрыщыхъум десэжа пэтми, мы хытIыгум дызригъэплъхэр апхуэдизкIэ нэгум къыщIэгъэхьэгъуей защIэщи, укъэмыуIэбжьыну гугъущ. Австралием хыхьэ Лахаману къалэм мазаем и 20-м бдзэжьейр, уэшхым хуэдэу, къыщрикIутэхащ. МыбыкIэ щыпсэухэр абы есэжауи пхужыIэнукъым. Лахаману мыпхуэдэ телъыджэ щыщалъагъу иджы еплIанэрэ. ЦIыхухэм я унащхьэхэм, я пщIантIэхэм иджыри зи псэ хэмыкIа бдзэжьейхэр уафэм къехуэхыурэ дикIутэрт, дэтхэнэ зыри я инагъкIэ сантиметри 10 - 15 хъхууэ. Сыт мыр? Фирхьэуным ирихужьа журт лъэпкъым Алыхьым къахуригъэха шхыныгъуэм ещхьу, Лахаману щыщхэм я ерыскъыр занщIэу уафэм къыхурахьэхыу ара? Хьэмэ Хьиса лъапIэр Тхьэ елъэIуа иужь цIыху мини 5-м яхурикъуа бдзэжьейхэм я хъыбарым къытригъазэрэ? ЦIыхубэр я нэгум щIэкIым игъэшынэркъым, Тхьэр къахуэупсауэ къащохъури. Ауэ куэд щIакъым Каспий хым и Iуфэм хыкхъуэхэр бжыгъэшхуэкIэ зэрыIулIыхьрэ. ЩIэныгъэлIхэм зэрыжаIэмкIэ, апхуэдэу хы псэущхьэхэр псым къыщыхэкIым деж, хы лъабжьэм абыхэм яхуэмышэч гуэрхэр къыщыхъуу къалъытэ. Хыр зыдж, ар фIыуэ зыцIыху ихтиолог Джонсон Джефф зэрыжиIэмкIэ, бдзэжьей къехуэхахэм я нэхъыбэр шубакъ (окунь) лIэужьыгъуэм щыщщ. Мыпхуэдэ дыдэ бдзэжьей уэшх къыщешхауэ щытащ Брисбен къалэм 2020 гъэм. ФIым и нэщэнэу Тхьэм къыщIигъэкI.
Поделиться:
Читать также:
24.04.2024 - 17:30 →
Нобель и саугъэтыр зыхуагъэфэща академикхэр
24.04.2024 - 16:32 →
Метр зэбгъузэнатIэ мелуанитIрэ ныкъуэрэ
24.04.2024 - 14:28 →
«Дунейр къызэхэкIухьи, уи унэжь екIуэлIэж»
24.04.2024 - 14:27 →
ЩIыналъэм зиужь зэпытщ
23.04.2024 - 19:01 →
ГъуэгуфIхэр нэхъыбэ мэхъу
|