НэщIикIыж хьидым теухуауэ КIуэкIуэ Казбек и хъуэхъу

Къэбэрдей-Балъкъэрым ис муслъымэнхэм НэщIикIыж махуэ лъапIэмкIэ гурэ псэкIэ сынывохъуэхъу! 
КъэщIэрэщIэжыным епха гуфIэгъуэм и нэщэнэщ мы махуэшхуэр, дэтхэнэ зыми и гур фIымрэ нэхумрэ къыхуигъэушу, и псэм и къабзагъым елIэлIэным, цIыхухэм дахэу ядекIуэкIыным, зэныбжьэгъугъэмрэ унагъуэм и лъапIагъымрэ яхъумэным, ­гущIэгъу яхэлъыным, адрейхэм ядэIэпыкъуным тригъэгушхуэу. 
Гу лъытапхъэщ муслъымэн IуэхущIапIэхэр ижь-ижьыж лъандэрэ къыддекIуэкI псэукIэ хабзэхэр къызэтенэнымкIэ, цIыхугъэм и тегъэщIапIэ быдэхэм, зэхущытыкIэ гуапэм, зэгурыIуэмрэ ­пщIэ-нэмысымрэ я мыхьэнэр мыкIуэдынымкIэ, мамырыгъэ щыIэнымкIэ щIэгъэкъуэнышхуэ зэрыхъум, а лъэныкъуэ псоми яхуэгъэзауэ лэжьыгъэшхуи зэрырагъэкIуэкIым. Ахэращ ди Хэ­-кум лъабжьэу иIэр, ди зэкъуэтыныгъэм къару хуэхъур. ФIы­щIэшхуэ яхуэфащэщ дин лэжьакIуэхэм псапэ хуэIухуэщIэу яхузэфIэкIхэм, щIэныгъэм зэрызрагъэубгъум папщIи. 
Къэбэрдей-Балъкъэрым щыпсэу псоми сигуми си псэми ­къабгъэдэкIыу сохъуэхъу узыншагъэ быдэ, насып, ехъулIэныгъэ яIэну, дэтхэнэ зыри и гугъэфIхэм лъэIэсыну. 

Сурэтыр Къарей Элинэ трихащ.