Къэбэрдей-Балъкъэр Республикэм и Iэтащхьэм и Указ

«Урысей Федерацэм и Президентым 2022 гъэм жэпуэгъуэм и 19-м къыдигъэкIа Указ №756-м ипкъ иткIэ Урысей Федерацэм и щIыналъэхэм щызэфIагъэкIхэм я IуэхукIэ» Урысей Федерацэм и Президентым 2022 гъэм жэпуэгъуэм и 19-м къыдигъэкIа Указ №757-м, Къэбэрдей-Балъкъэр Республикэм и Iэтащхьэм и деж Къэбэрдей-Балъкъэр Республикэм и щIыналъэм къэхъукъащIэ къызэры­мыкIуэхэм сыт и лъэныкъуэкIи хуэхьэ­зы­ры­ным и щытыкIэ зэрыщагъэувам (2023 гъэм и накъыгъэм и 16-м ирагъэкIуэкIа зэIущIэ №3-м и протоколым тету) къыхэкIыу властым и органхэр сэбэп пылъу зэдэлэжьэныр къызэгъэпэщынымкIэ щыIэ оперативнэ штабым ­къищта унафэм тету Къэбэрдей-Балъкъэр Республикэм и щIыналъэм жылагъуэ хабзэр зэрыщахъумэмрэ жылагъуэ шынагъуэншагъэр къызэрыщызэрагъэпэщымрэ ягъэлъэ­щын мурадкIэ унафэ сощI:

1. Езыхэм я пщэ къыдалъхьахэр (къалэн къыщащIахэр) щыпхагъэкIкIэ къэрал властым и органхэм, самоуправленэм и органхэм иращIылIа зэгурыIуэныгъэхэм тету езыхэм я унафэм щIэт IуэхущIапIэхэмрэ къэрал зыхъу­мэжыныгъэ заказ зыгъэзащIэ IуэхущIапIэ­хэмрэ къэрал властым и органхэм ягъэува хабзэм тещIыхьауэ къагъэсэбэп, цIыхум зэримыгъакIуэ граждан хьэуа кхъухьхэр (адэкIэ къызэрыкIуэнур - цIыхум зэримыгъакIуэ хьэуа кхъухьхэр) хэмыту Къэбэрдей-Балъкъэр Республикэм и щIыналъэм цIыхум зэримыгъакIуэ хьэуа кхъухьхэр къыщагъэсэбэпыну хуит мыщIын, абы мардэ хуагъэув щIыкIэу.

2. «Урысей Федерацэм и Президентым 2022 гъэм жэпуэгъуэм и 19-м къыдигъэкIа Указ №756-м ипкъ иткIэ Урысей Федерацэм и щIыналъэхэм щызэфIагъэкIхэм я IуэхукIэ» Урысей Федерацэм и Президентым 2022 гъэм  жэпуэгъуэм и 19-м къыдигъэкIа №757-м тету, Къэбэрдей-Балъкъэр Республикэм и щIыналъэм щагъэува щытыкIэр щхьэщахыжу и пIалъэр икIыхукIэ мы Указым къыщыгъэлъэгъуа хабзэр зекIуэну гъэувын.

3. Къэбэрдей-Балъкъэр Республикэм и Iэтащхьэм и деж Къэбэрдей-Балъкъэр Республикэм и щIыналъэм къэхъукъащIэ къызэ­ры­мыкIуэхэм сыт и лъэныкъуэкIи хуэхьэзыры­ным и щытыкIэ зэрыщагъэувам къыхэкIыу влас­тым и органхэр жыджэру зэдэлэжьэныр къызэгъэпэщынымкIэ щыIэ оперативнэ штабым, ­хуей хъумэ, мы Указым и 1-нэ пунктым щыубзыхуа лэжьыпхъэхэр Къэбэрдей-Балъкъэр Республикэм и щIыналъэм щыпхыгъэкIыныр къызэзыгъэпэщыну Iэмалхэр зэхилъхьэн икIи абы теухуа унафэхэр къищтэн.

4. Мы Указым къару егъуэт ар официальнэу къыщытрадза махуэм къыкIэлъыкIуэм щегъэжьауэ.