Ар пэжу пIэрэ?
Газет зыбжанэм къытрадзащ цIыхум чэф къыпкърызымыгъэхьэ хущхъуэгъуэ къызэрагупсысам теухуа хъыбар. Пшахъуэм хуэдэу щабэ ар псым хакIутэри, ираф. ИтIанэ сыт хуэдэ ьфадэри шынагъуэжкъым: я къарур щIэкIыркъым, я акъылыр утхъуэркъым, жаIэр ящIэжу икIи узыкIэлъыплъыжу гупым яхэсщ. ЦIыхум и гушыIэр жанщ, ауэ иригъэлейркъым, Iуэху псори зэпешэчыф. Ар хуабжьу сэбэп къыпхуэхъунущ хьэщIапIэ укIуамэ е хьэгъуэлIыгъуэ Iэнэ убгъэдэсмэ, абы къыдэкIуэуи унэхъыжьу ефэ-ешхэр ебгъэкIуэкIыну къыпхуихуамэ. Езы хущхъуэр зыкIи зэранкъым. Мыхьэнэшхуэ иIэщ и щхьэр мыузу пщэдджыжьым къызэрыушми. «Зигъэхъужын» папщIэ абы фадэ къилъыхъуэнукъым. Хущхъуэр къэзыгупсысахэм ящыщ, Москва и физико-техникэ институтым технологие лъагэхэмкIэ и школым и магистрант Иващенкэ Илья и псалъэхэм ятепщIыхьмэ, «чэфым и бий» хущхъуэр псым, шейм, кофем, нэгъуэщIхэм хэпкIутэн хуэдэу щабэу къыщIагъэкIынущ икIи сэмб цIыкIухэм якIуэцIыкIутауэ ящэнущ. Зы сэмбым тумэнищ уасэу хуагъэувыну я мурадщ. Къыщыпщэху хъунущ тыкуэнхэм, ефапIэ зэмылIэужьыгъуэхэм.
Поделиться:
Читать также:
02.05.2024 - 14:22 →
Хэкур зыфIэкIуэдам псори фIэкIуэдащ
02.05.2024 - 12:43 →
Джэш хъурейм яужь йохьэ
02.05.2024 - 12:31 →
Зыпэрыт Iуэхум фIыуэ хэзыщIыкI дохутыр
02.05.2024 - 12:28 →
ТхьэкIумэкIыхь зыгъэхъухэм ящIапхъэщ
01.05.2024 - 13:43 →
«ТекIуэныгъэм и диктантым» зрагъэубгъу
|