Лъы хуэныкъуэхэм папщIэ

 Урысей гвардием и управленэу КъБР-м щыIэм Налшык къалэм ведомствэм хэмыт и хъумакIуэ IуэхущIапIэм и лэжьакIуэхэр хэтащ Къэбэрдей-Балъкъэрым щекIуэкI «Зы гум къыбгъэдэкIыу адрейм хуэкIуэу» акцэм икIи хуэныкъуэхэм папщIэ лъы литри 10-м щIигъу ятащ. 

ЩIыналъэ Управленэм и дзэ къулыкъущIэхэмрэ лэжьакIуэхэмрэ илъэс къэс хэтщ апхуэдэ Iуэхухэм. 
- Къыхэзгъэщыну сыхуейт цIыху куэд кърихьэлIэу едгъэкIуэкI акцэм IуэхущIапIэм и лэжьакIуэхэмрэ дзэ къулыкъущIэхэмрэ къыхыхьэм и мызакъуэу, щхьэхуэури къокIуэри, ди лъы гъэтIылъыгъэхэм хэдгъэхъуэнымкIэ зыкъытщIагъакъуэ, - жиIащ КъБР-м Узыншагъэр хъумэнымкIэ и министерствэм лъы щыхаш и республикэ станцым и къудамэм и унафэщI АфIэунэ Майе.