Хъуромэ махуэшхуэм ирихьэлIэу

КъБР-м и Iэтащхьэ КIуэкIуэ Казбек и хъуэхъу
Гурэ псэкIэ Къэбэрдей-Балъкъэр республикэм ис чыристанхэм Хъуромэ махуэ нэхумкIэ сынывохъуэхъу!
Мы махуэшхуэм цIыхухэр трегъэгушхуэ IуэхуфI ялэжьыным, гурылъ лъагэхэр ящIыным, зэи мыкIуэдыжыну фIыгъуэу къекIуэкI гущIэгъум, гуапагъым, фIыгъуэм, захуагъэм укъыхуегъэуш.
Ебгъэлеину гугъущ члисэхэм Къэбэрдей-Балъкъэрым и псэкупсэ гъащIэм, тхыдэкIэ къыддекIуэкI щэнхабзэр къызэтенэным, дин зэхуэмыдэхэр мамыру зэдекIуэкIыным хэлъхьэныгъэу хуащIым и инагъым утепсэлъыхьмэ.
КъыдэкIуэтей щIэблэм и гъэсэныгъэм, унагъуэм и лъабжьэр быдэ хъуным, щIэгъэкъуэн къэзылъыхъуэхэм ар ягъуэтыным папщIэ, абыхэм псапэу ящIэр къэIуэтэгъуейщ.
Шэч кеъытесхьэркъым республикэм ис адрей дин IуэхущIапIэхэми яхуэдэу, православ диным ит зэгухьэныгъэхэм дяпэкIи ди щIыналъэм фIым зыщиубгъуным зэрелIэлIэным, зым адрейм пщIэ хуищIу, зэкъуэту, мамыру псэун папщIэ.
Гурэ псэкIэ Къэбэрдей-Балъкъэрым щыпсэухэм сынывохъуэхъу узыншагъэ быдэ, ефIэкIуэныгъэ фиIэу, гукъеуэншэу фыпсэуну.