Мэкъумэш IуэхущIапIэхэм яфI хэлъу2024 гъэм Урысей Федерацэм и мэкъумэш IуэхущIапIэхэм зегъэужьыным ехьэлIа унафэ иджыблагъэ къищтащ УФ-м и Правительствэм. Абы къызэрыхэщымкIэ, дызыхыхьа илъэсым къриубыдэу фермер IуэхущIапIэхэм субсидие ахъшэу сом меларди 8 хуаутIыпщынущ. 2023 гъэм апхуэдэ Iуэхугъуэхэм хухахыу субсидие ахъшэу ятар сом меларди 6-м щIигъущ. Абы нэмыщI, «Агростартап» зыфIаща грантыр къэзыхьхэм нэхъ мащIэ дыдэу ират ахъшэр сом мелуан 1,5-рэ хъунущ. А ахъшэр нэхъапэм зытрагъэкIуадэ хъуну щыта Iуэхугъуэхэми къыщIагъуащ иджы. ДяпэкIэ мамкъут лIэужьыгъуэхэр хасэну, Iэщ къащэхуну, мэракIуэ зэмылIэужьыгъуэхэр уней IуэхущIапIэхэм я деж къыщащэхуну хуитыныгъэ ягъуэтащ. «Гугъэ диIэщ къэтщта унафэм и фIыгъэ ди хьэрычэтыщIэхэм екIыну - куэдым езыхэм я лэжьыгъэ IэнатIэхэр къызэрагъэпэщыжыну, я псэукIэр ирагъэфIэкIуэну, фIагъ лъагэ зиIэ ерыскъыхэкIхэмкIэ ди цIыхухэр къызэрагъэпэщыну», - къыхигъэщащ УФ-м и Правительствэм и УнафэщI Мишустин Михаил.
Поделиться:
Читать также:
17.05.2024 - 17:37 →
ЗыплъыхьакIуэм и еплъыкIэ
17.05.2024 - 15:35 →
Мазищым кърикIуахэр
17.05.2024 - 12:26 →
КъэкIыгъэхэм я нэIэ тетщ
16.05.2024 - 19:35 →
ГукъэкIыжхэр гъащIэм щыщу
16.05.2024 - 18:33 →
Ратмир и жыгхэр мэкI
|