Китайм щекIуэкIыну жармыкIэм ирагъэблагъэКъэбэрдей-Балъкъэрым Мэкъумэш хозяйствэмкIэ и министерствэм и нэIэ щIэт IуэхущIапIэхэм иджыблагъэ хъыбар яригъэщIащ щIышылэм и 27 - мазаем и 4-хэм Китайм и Ляонин щIыналъэм «Урысейм щащIащ» дунейпсо жармыкIэ-гъэлъэгъуэныгъэ зэрыщекIуэкIынур. Китайм и цIыхухэмрэ хьэщIэхэмрэ Iэмал яIэнущ, Урысейм и компание 70-м я продукцэ зэхуэмыдэу 1400-м щIигъу Шэньян, Далянь къалэхэм кьыщащэхуну. Абы хохьэ ерыскъыхэкIхэр, псыхэкIхэр, промышленнэ хьэпшыпхэр, нэгъуэщIхэри. А псом къадэкIуэу, жармыкIэ-гъэлъэгъуэныгъэр ягъэдэхэнущ спорт зэпеуэхэмкIэ, щэнхабзэ теплъэгъуэхэмкIэ. КъызэгъэпэщакIуэхэм гугъэ ящI а махуэхэм цIыху мелуанищ нэхърэ мынэхъ мащIэ абы кърихьэлIэну. ЖармыкIэ-гъэлъэгъуэныгъэр къызэрагъэпэщащ Урысейм и экспорт центрымрэ хамэ къэралхэм ядэлажьэ компаниехэр дэIыгъынымкIэ къэрал институтымрэ, УФ-м и Правительствэмрэ Ляонин щIыналъэм и лъэпкъ правительствэмрэ я дэIэпыкъуныгъэ хэлъу. Китайм бжыгъэр зи лъабжьэ и электроннэ сату щIапIэхэми Урысейм и продукцэхэр къыщыпщэху хъунущ. «Урысейм щащIащ» фIэщыгъэм щIэту ди къэралым къыщыщIагъэкIа ерыскъыр, ерыскъыхэкIхэр, псыхэкIхэр, промышленнэ хьэпшыпхэр, н.къ. мин бжыгъэкIэ абыхэм къыщыгъэлъэгъуауэ щытынущ. «Дунейпсо зэгухьэныгъэмрэ экспортымрэ» лъэпкъ пэхуэщIэм ипкъ иткIэ Урысейм и экспорт центрыр, мылъкум и закъуэкIэ мыхъуу, абы зэрыхэтынум ехьэлIа нэгъуэщI IуэхугъуэхэмкIи ядэIэпыкъунущ къэралым и IуэхущIапIэхэу жармыкIэ-гъэлъэгъуэныгъэм хэтыну жэрдэм зыщIхэм. ХЬЭЩЫКЪУЕЙ Олег.
Поделиться:
Читать также:
05.05.2024 - 11:00 →
КъБР-м и Iэтащхьэ КIуэкIуэ Казбек IутIыж махуэшхуэм теухуа и хъуэхъу
04.05.2024 - 14:38 →
Тэрчдэсхэр щогуфIыкI
04.05.2024 - 13:34 →
Гъуэгу махуэ тет мафIэгур
04.05.2024 - 11:18 →
Ди хъугъуэфIыгъуэхэм щIохъуэпс
04.05.2024 - 10:01 →
Гъунэгъу республикэм и махуэшхуэ
|