IэнатIэм и зэфIэкIхэр ягъэлъагъуэМэзкуу къалэм и «Крокус Экспо» центрым гъатхэпэм и 19 - 21-хэм щекIуэкIынущ туризмэмрэ хьэщIагъэм пыщIа Iуэхугъуэхэмрэ ехьэлIа 30-нэ дунейпсо гъэлъэгъуэныгъэр. Абы хэтынущ Къэбэрдей-Балъкъэрым и лIыкIуэхэри. Дунейпсо утыкум ирахьэнущ турагентствэхэм, туроператорхэм, хьэщIэщхэм, цIыхухэм щIыуэпсым и дахагъэкIэ къулей щIыпIэ зэмылIэужьыгъуэхэм зыщегъэплъыхьыным пыщIа IэнатIэхэм, нэгъуэщIхэми нобэ яIэ зэфIэкIхэмрэ я ехъулIэныгъэхэмрэ. Псом хуэмыдэу, зыплъыхьакIуэхэр нэхъыбэу зыщIэупщIэ, ахэр къызэрыдахьэх, щIэуэ къежьа я Iуэхутхьэбзэхэр ягъэлъэгъуэнущ. Туризм IэнатIэм пэрытхэм я зэхуэсышхуэм кърихьэлIэнущ ди къэралым и щIыналъэхэм ящыщу 58-м, хамэ къэралу 29-м я лIыкIуэхэр. Мы гъэм абы япэу къыхыхьэнущ Корее Ищхъэрэр, Запорожье, Херсон областхэр, Хьэрып Эмират Зэгуэтхэм я къалащхьэ Абу-Даби. Гъэлъэгъуэныгъэм и лэжьыгъэм хыхьэу къызэрагъэпэщынущ Iуэхугъуэ 20-м щIигъу: хьэрычэтыщIэхэм я зэIущIэхэр, конференцхэр, презентацэхэр, егъэджэныгъэ семинархэр, нэгъуэщIхэри. Гъэлъэгъуэныгъэм стенд щхьэхуэ щыхухахынущ Къэбэрдей-Балъкъэрым туризм IэнатIэм щиIэ ехъулIэныгъэхэмрэ зэфIэкIхэмрэ. ХЬЭЩЫКЪУЕЙ Олег.
Поделиться:
Читать также:
01.05.2024 - 13:43 →
«ТекIуэныгъэм и диктантым» зрагъэубгъу
01.05.2024 - 11:18 →
CурэтыщI ныбжьыщIэхэр утыку къохьэ
01.05.2024 - 10:01 →
ЗэчиифIэм и щапхъэ
01.05.2024 - 08:58 →
Дызэкъуэтмэ, дызэрыIыгъмэ...
30.04.2024 - 12:00 →
Италием бзылъхугъэу исым дахагъэкIэ ефIэкI адыгэ анэт
|