НэхъыфIипщIым дахохьэ

13 апреля, 2024 - 11:47

Урысейм СтатистикэмкIэ и къэрал управленэм иджыблагъэ къызэритамкIэ, 2024 гъэм и щIышылэ - мазаем къриу­быдэу УФ-м и щIыналъэхэм я промышленнэ индексым и куэдагъымкIэ Къэбэрдей-Балъкъэрыр нэхъыфIхэм яхы­хьащ, нэгъабэ и иджы хуэдэ зэманым щыIа бжыгъэхэм ар ирагъэпща нэужь. 

Къапщытэж лъэхъэнэм ирихьэлIэу ди республикэм и промышленнэ индексыр проценти 122,3-рэ хъуащ, Урысейм а бжыгъэр ику иту зэрыхъур проценти 106,6-рэщ.
Къэбэрдей-Балъкъэрым нэмыщI, нэхъыфIипщIым яхэтщ Брянск областыр - проценти 143, 9-рэ, Курган областыр - 138,8-рэ, Осетие Ищхъэрэ - Аланиер - 130,8-рэ, Киров областыр - 129,1-рэ, Чувашиер - 126,8-рэ, Калугэ областыр - 124,9-рэ, Саратов областыр - 124,7-рэ, Ульяновск областыр - 124,6-рэ, Марий Элыр - 119,2-рэ.
 

  • 66 просмотров
Поделиться: