Ди бэнакIуэхэр къалащхьэм щытокIуэ

10 июня, 2022 - 10:44

Мэзкуу къалэм дэт «Олимпийская деревня-80» спорт комплексым щекIуэкIащ бэнэкIэ хуитымкIэ къалащхьэм и зэхьэзэхуэ. Абы и алэрыбгъухэм саугъэт нэхъыщхьэхэм щыщIэбэнащ зи ныбжьыр илъэс 16-17-м итхэр. 

Ди республикэм бэнэкIэмкIэ школым и гъэсэнхэм зэхьэзэхуэм зэфIэкI лъагэхэр къыщагъэлъэгъуащ.   КъБР-м икIа спортсменхэм абы къыщахьащ медаль зэмылIэужьыгъуэу 5.

Килограмм 45-м нэблагъэ зи хьэлъагъхэм я зэпэщIэтыныгъэм щригъэкIуэкIа зэIущIэ псоми щытекIуэри дыщэ медалыр зыIэригъэхьащ Азэмэт Руслан. Шыгъэлыгъуэ Къантемыр къыпэлъэщын къахэкIакъым килограмм 60-м нэблагъэ зи хьэлъагъ бэнакIуэхэм.

Урысей Федерацэм и къалащхьэм и зэхьэзэхуэм пашэныгъэр щиубыдащ Емызэш Ислъами. Ар щыбэнащ килограмм 71-м нэблагъэхэм я деж. А гуп дыдэм дыжьын медалыр щызыIэригъэхьащ КIэрэф Дамир.

Зи хьэлъагъыр килограмм 60-м нэблагъэхэм   зэпэщIэтыныгъэ гуащIэм ещанэ щыхъури домбеякъ медалыр къихьащ Шыгъэлыгъуэ Айдэмыр.
 

 

Мэзкуу Къан.
  • 17 просмотров
Поделиться:

Читать также:

02.05.2024 - 16:33 → Гуп зэпеуэм щыяпэщ
02.05.2024 - 14:21 → Медаль тIощIрэ бгъурэ
02.05.2024 - 14:15 → Дыщи домбеякъи къахь
29.04.2024 - 12:26 → Дызэрыпагэ гъуащхьэтет
25.04.2024 - 17:30 → Олимп чемпионыр ящыгъупщэркъым