ЗэIущIэ гъэщIэгъуэнхэм фрагъэблагъэЖэпуэгъуэм и 3-6-хэм Налшык щекIуэкIынущ диплом спектаклхэм хухаха «Старт в будущее» фестивалыр. Ар къызэригъэпэщащ гъуазджэ, щэнхабзэ еджапIэхэм я зэгухьэныгъэм, щэнхабзэ жэрдэмхэмкIэ Президентым и фондыр, УФ-м ЩэнхабзэмкIэ и министерствэр, «Урысей концерт» къэрал IуэхущIапIэр и дэIэпыкъуэгъуу. Къэбэрдей-Балъкъэрым театр гъуазджэм щыхурагъаджэ студентхэм заужьынымкIэ, нэгъуэщI щIыпIэхэм щыщхэм къацIыхунымкIэ фестивалым мыхьэнэшхуэ иIэщ. Фестивалым кърагъэблэгъащ Москва и театр еджапIэ нэхъыщхьэ зыбжанэм - КинематографиемкIэ урысейпсо къэрал институт Герасимов Сергей и цIэр зезыхьэм, Театр гъуазджэхэмкIэ Урысей институтым - ГИТИС-м, Вахтанговым и цIэр зезыхьэ къэрал академическэ театрым, Щукиным и цIэр зезыхьэ театр институтым, МХАТ школ-студием, Ярославль дэт къэрал театр институтым, Гнесинхэ я цIэр зезыхьэ Урысей музыкэ академием я лIыкIуэхэр. «Старт в будущее» фестивалым хиубыдэу къызэрагъэпэщыну зэIущIэхэр - мастер-классхэр щатынур, режиссёр, продюсер, егъэджакIуэ цIэрыIуэхэр къыщыпсэлъэнухэр щрагъэкIуэкIынущ КъБР-м и Музыкэ театрым, ЩоджэнцIыкIу Алий и цIэр зезыхьэ Къэбэрдей къэрал драмэ театрым, Кулиев Къайсын и цIэр зезыхьэ Балъкъэр къэрал драмэ театрым, ГъуазджэхэмкIэ Кавказ Ищхъэрэ къэрал институтым. Гупыж зыщI псори фестивалым фрагъэблагъэ.
Поделиться:
Читать также:
07.05.2024 - 17:46 →
Зи напэ емыплъу лъэбакъуэ зымыча
05.05.2024 - 12:00 →
Гъуазджэм и хэщIапIэ
05.05.2024 - 11:00 →
ЦIыкIухэм ныпыр яфIэдахэщ
04.05.2024 - 09:00 →
Музейм и накъыгъэ гъэлъэгъуэныгъэхэр
30.04.2024 - 13:00 →
Гъатхэмэ къапех
|