НОБЭ

Мэкъуауэгъуэм и 22,  махуэку

         Хэкур яхъумэурэ хэкIуэдахэм я фэеплъ махуэщ. 1941 гъэм Хэку зауэшхуэр къэхъеящ.

         1967 гъэм Налшык ПТУ №7-м и цIыхубз спортсменкэ 15 ди республикэм и къалащхьэм щежьэри, лъакъуэрыгъажэкIэ Ленинград кIуэну гъуэгу техьащ.

         1939 гъэм къалъхуащ щIэныгъэлI, жылагъуэ лэжьакIуэ, Социалист Лэжьыгъэм и ЛIыхъужь Залиханов Михаил.

         1941 гъэм къалъхуащ биологие щIэныгъэхэмкIэ кандидат  КъуэщIысокъуэ Александр.

         1948 гъэм къалъхуащ физико-математикэ щIэныгъэхэмкIэ доктор, КъБКъУ-м и профессор ХьэпащIэ Юрэ.

         1953 гъэм къалъхуащ искусствоведением и доктор, профессор, УФ-мрэ КъБР-мрэ щIэныгъэмкIэ щIыхь зиIэ я лэжьакIуэ, Кавказ Ищхъэрэм ГъуазджэхэмкIэ и къэрал институтым и ректор Рахаев Анатолэ.

Дунейм и щытыкIэнур

         «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ.   Хуабэр махуэм   градус 23 - 24-рэ, жэщым градус 15 - 18 щыхъунущ.

Лъэпкъ Iущыгъэ:

Анэр нэщи, адэр лъэпкъщ.

Зыгъэхьэзырар ЩхьэщэмыщI Изэщ.