Америкэм Тайваным и щхьэхуитыныгъэр диIыгъкъымСША-м и къэрал секретарь Блинкен Энтони Китайм и унафэщI Цзиньпин Си иджыблагъэ Пекин щыхуэза нэужь, жиIащ Тайваным и щхьэхуитыныгъэр зэрыдамыIыгъыр. Блинкен къызэрыхигъэщащи, Америкэр хущIэкъуркъым «зауэ щIыIэ» аргуэру къигъэхъуну, Китайм щыщыIэ щытыкIэми зыгуэркIэ зрагъэхъуэжыну. КъэралитIми я зэхуаку дэлъ зэхущытыкIэр ефIэкIуэжыну зиукъэбзыжыну зэрыщыгугъыр, абы папщIэ Китайм и хабзэхэр къилъытэну Америкэм зэрикъалэныр Цзиньпин Си къыхигъэщащ. Апхуэдэуи, Си жиIащ США-м пэщIэувэн мурад зэримыIэр, зэгурыIуэныгъэ я зэхуаку дэлъын папщIэ, хэкIыпIэщIэхэр къилъыхъуэну зэрыхьэзырыр. Блинкен къызэрыхигъэщащи, Вашингтон хущIэкъунущ Пекин зэрыдэлэжьэну Iэмалхэр къигъуэтыну. «США-мрэ Китаймрэ зэхуаIэну зэхущытыкIэм кудкIэ елъытащ дунейм щыпсэухэм я къэкIуэнури», - къыхигъэщащ Китайм и лIыщхьэм. Америкэм и къэрал секретарыр Китайм иужьрейуэ зэрыкIуэрэ илъэситху дэкIащ. Мы гъэм и пэщIэдзэм Китайм и аэростатыр США-м къызэрыриудыхрэ Тайваным ехьэлIа Iуэхухэр Америкэм нэхъри зэрызэщIигъаплъэм, апхуэдэуи, сату Iуэхухэмрэ технологиехэмрэ теухуа бгъэдыхьэкIэхэр зэрызэщхьэщыкIым къэралитIыр зэпэжыжьэ ящIащ. Китайм езым ейуэ ибжыж Тайваным США-м и лIыкIуэхэм палатэм и спикеру щыта Пелоси Нэнси кIуа нэужь, лъэпкъитIым зэхуаIэ щытыкIэр нэхъри екIэкIуат. Америкэ политикыр Тайвань зэрыкIуар Пекин къилъытащ а щIыналъэм щытыкIэр щызэIызэгъыхьэу икIи зауэ зыгъэсэныгъэхэр а щIыпIэм и гъунэгъуу щригъэкIуэкIауэ щытащ.
Поделиться:
Читать также:
27.04.2024 - 15:09 →
«Репатриант»-кIэ узэджэ хъунур хэт?
27.04.2024 - 09:58 →
Урысейм и парламентаризмэм и махуэм теухуа КъБР-м и Iэтащхьэ КIуэкIуэ Казбек и хъуэхъу
25.04.2024 - 12:00 →
Къэбэрдей-Балъкъэр Республикэм и Правительствэм и Унафэ
15.04.2024 - 14:48 →
Къэбэрдей-Балъкъэр Республикэм и Iэтащхьэм и Указ
30.03.2024 - 14:16 →
Къыхэзэгъэну пIэрэ?
|