Къуажэхэм зрагъэужьу

2023 - 2024 гъэхэм къриубыду Къэбэрдей-Балъкъэрым и къуажэхэм зегъэужьыным ехьэлIа Iуэхугъуэхэм сом мелуан 750-рэ хухахынущ.

Къуажэхэм зегъэужьыным хуэгъэпса программэм хагъэхьащ Псыхъурей жылэм дэт сабий садыр зэгъэпэщыжыныр, Iуащхьэмахуэ, Бахъсэн, Прохладнэ, Шэрэдж куейхэм ЩэнхабзэмкIэ я унэхэр, цIыхухэр псы къабзэкIэ къызэрызэрагъэпэщ объектхэр, Шэджэм, Iуащхьэмахуэ куейхэм спорт комплексхэр щыухуэныр, Прохладнэ щIыналъэм хыхьэ Солдатскэ жылэм километри 4-м нэблагъэ зи кIыхьагъ автомобиль гъуэгур зыхуей щыхуэгъэзэжыныр.