ГъэщIэгъуэну къызэдожэДи зэманым спортым къыхохьэ лIэужьыгъуэ гъэщIэгъуэнхэр. Апхуэдэщ, туфлъэ лъэдакъэ тету бзылъхугъэхэр зэдэжэныр. Уеблэмэ абыкIэ дунейпсо рекордхэри ягъэувыну хунэсахэщ. Лъэдакъэ лъагэ тет бзылъхугъэхэр зохьэзохуэ, а лъэдакъэр спортым зэран хуэмыхъуу къалъытэу. Спорт лIэужьыгъуэм цIыху куэд зыIэпишэну хунэсащ. Апхуэдэ зэдэжэм и хабзэщ сантиметри 7 мынэхъ лъахъшэ лъэдакъэ утетыныр. Языныкъуэ къэралхэм илъэс къэс зэдэжэр зэхаублэ икIи спортсмен щэ бжыгъэхэр хэту ирагъэкIуэкI. Берлин илъэс къэс къыщызэрагъэпэщ апхуэдэ зэдэжэу 2009 гъэм бадзэуэгъуэм и 11-м екIуэкIам дунейпсо рекорд щагъэуващ. Берлиндэс Плехер Юлие метри 100 къызэпиупщIащ дакъикъэ 14,2-кIэ. Тыгъэ нэхъыщхьэу абы иратащ еврэ мини 10. 2010 гъэм иджыри зы рекорд щагъэуващ Сидней щекIуэкIа зэхьэзэхуэм. Метр 80 хъыджэбзиплIым къызэпаупщIащ медан 64-кIэ. Спортсмени 100 зыхэта зэпеуэм щытекIуа бзылъхугъиплIым я цIэхэр рекордхэмкIэ Гиннесс и тхылъым иратхащ. Тыгъэу абыхэм иратащ дэтхэнэми доллар мини 10. А тхылъым иратхащ цIыху 50 хъу нэмыцэ спортсмен гупыр. Сыхьэтым къриубыдэу абыхэм ящыщ дэтхэнэми къижа гъуэгур зэхалъхьэжри, километр 265,6-рэ хъууэ къабжащ. Гуп рекорд щагъэувауэ щытащ 2010 гъэм Сидней «Venus Embrace Closest Stiletto Relay» зэхьэзэхуэм хэту къыщызэрагъэпэща зэдэжэм. Бжьыпэр иубыдащ 1 дакъикъэрэ медани 4-кIэ къапэщылъ гъуэгур зэпызыча гупым. 2017 гъэм США-м дунейпсо рекорд щигъэуващ лъэдакъэ лъагэм тету сыхьэти 7-рэ дакъикъэ 27-рэ медан 53-кIэ къэжа Сьюэлл Ирен. Урысейм а спорт лIэужьыгъуэмкIэ зэпеуэхэр щекIуэкIащ Москва, Санкт-Петербург, Владивосток, Саратов, Кострома. Спортсменхэм къызэпаупщIащ метр 50. Адрей къэралхэм къащхьэщыкIыу, спорт лIэужьыгъуэ гъэщIэгъуэнымкIэ зэпеуэ урыс бзылъхугъэхэр тоувэ сантиметри 9 мынэхъ лъахъшэ вакъэ лъэдакъэ. Вакъэ лъэдакъэ лъагэм тету бзылъхугъэхэр щызэдэжэкIэ, спортсменхэм фэбжь щагъуэти къохъу. ИтIани, а спорт лIэужьыгъуэм дихьэх бзылъхугъэхэм я бжыгъэм хохъуэ. Уеблэмэ къохъу зэпеуэм цIыхухъухэри щыхыхьэ. Пэжщ, абыхэм бжьыпэр яхуэубыдакъым.
Поделиться:
Читать также:
25.04.2024 - 17:30 →
Олимп чемпионыр ящыгъупщэркъым
25.04.2024 - 17:00 →
Кубокыр къыздашэ
23.04.2024 - 17:06 →
Гуп зэпеуэм япэ щыхъуащ
23.04.2024 - 15:26 →
Урысейм щынэхъ лъэщхэр
17.04.2024 - 12:56 →
Къапэлъэщын къахэкIакъым
|