Къэрал унафэщIым и телъхьэщ

КъБР-м и Iэтащхьэ КIуэкIуэ Казбек Iэ щIидзащ УФ-м и Президенту Путин Владимир Владимир и къуэр 2024 гъэм екIуэкIыну хэхыныгъэхэм зэрызыкъыщигъэлъэгъуамкIэ зэрыарэзым щыхьэт техъуэ дэфтэрым.

«Ди республикэм щыпсэу цIыху псоми хуэдэу, сэри дызоIыгъ ди Президентым а Iуэхум теухуауэ ищIа унафэр, - жиIащ КIуэкIуэ Казбек. - Нобэ, дапщэщи хуэмыдэу, дэ дыхуэныкъуэщ зэпIэзэрытыныгъэрэ зыужьыныгъэрэ. Президентым и акъы­лыфIагъым, ищI унафэхэм япкърылъ захуагъэм, и политикэ гупсысэ шэщIам, IэщIагъэлI псори зы Iуэхум зэрыхузэщIигъэуIуэфым - а псоми Iэмал къыдат Урысейр къыпэщIэува лъэпощхьэпохэм пэлъэщыну, апхуэдэуи адэкIи зиужьыну».
ЩIыналъэм и пашэм зэрыжиIамкIэ, Къэбэрдей-Балъкъэ­рым жыджэру зеужь социально-экономикэ унэтIыныгъэ псомкIи икIи хуэфэщэн увыпIэфI къэралым щиIыгъщ абыхэмкIэ. Ди республикэм щаухуэ еджапIэщIэхэр, сабий гъэсапIэщIэхэр, щэнхабзэмкIэ унэхэр, сымаджэщхэр, спорт IуэхущIапIэхэр, гъуэгу­щIэхэр, зэпэщ щащI къалэхэмрэ къуажэхэмрэ. Лъэп­къыбэу зэхэт къэралышхуэм щыщу, Къэбэрдей-Балъкъэрым и цIыхубэм яхъумэ я лъэпкъ хабзэхэр, щэнхабзэ фIыгъуэхэр, хьэщIэмрэ ныбжьэгъумрэ я щIасэу.
«Зи къэралыгъуэр илъэси 100-м щхьэдэха ди республикэр гушхуэныгъэ хэлъу къэкIуэнум хуоплъэ. Ар, шэч хэмылъу, ди Президентым бгъэдэлъ акъылыфIагъымрэ стратегие гупсысэ шэщIамрэ я фIыгъэщ, - къыхигъэщащ абы. - Къэбэрдей-Балъкъэрыр Путин Владимир Владимир и къуэм, Урысей къарууфIэм я телъхьэщ!».