Мэкъумэш техникэхэм къахохъуэ

31 января, 2024 - 09:11
БлэкIа илъэсым республикэм и мэкъумэшыщIэхэм техникэщIэу I98-рэ къащэхуащ, 2022 гъэм нэхърэ ар 70-кIэ нэхъыбэщ. Апхуэдэ хъыбар иджыблагъэ къитащ Къэбэрдей-Балъкъэрым Мэкъумэш хозяйствэмкIэ и министерствэм и пресс-IуэхущIапIэм. 
Трактору яIэм 2023 гъэм къахэхъуащ I4I-рэ, ипэ ита илъэсым ар зэрыхъуар 40-щ. 2022 гъэм елъытауэ гуэдз зэрыIуахыж комбайну къащэхуар 8-кIэ нэхъыбэщ - 2023 гъэм ар I4 ирагъэкъуащ. Iусыпхъэхэр зэрыIуахыж комбайну, 2022 гъэм хуэдэуи, блэкIа илъэсым къащэхуар зыщ.
Мыдрей нэгъуэщI мэкъумэш техникэу псори зэхэту къащэхуар 42-рэ мэхъу, ар хуэдитIкIэ нэхъыбэщ 2022 гъэм елъытауэ. 
ЛизингкIэ зыIэрагъэхьэ техникэми къыхэхъуащ. 2022 гъэм апхуэдэ IэмалкIэ къащэхуар 67-рэ хъууэ щытамэ, блэкIа илъэсым 89-м нагъэсащ. 
ХЬЭЩЫКЪУЕЙ Олег.
  • 22 просмотра
Поделиться: