Ерыскъы къабзэм дыхуокIуэКавказ Ищхъэрэм и щIыналъэхэм жыг хадэ зезыхьэ, мыIэрысэм елэжь IуэхущIапIэхэм ящыщу IэрыщI щIыгъэпшэрхэр, химие пкъыгъуэхэр, цIыхум и узыншагъэм зэран хуэхъу нэгъуэщI гуэрхэри къамыгъэсэбэпу къагъэкIа пхъэщхьэмыщхьэу зэрыщытым щыхьэт техъуэ сертификат япэу зратар Къэбэрдей-Балъкъэрым и Шэрэдж щIыналъэм щыIэ «Гъавэ бэв» IуэхущIапIэрщ.«Роскачество»-м иджыблагъэ къызэритамкIэ, иджы абы и продукцэм, дамыгъэ хэха «органик» псалъэр тридзэми хъунущ, ар зэрыкъабзэр къригъэлъагъуэу. Фигу къэдгъэкIыжынщи, КъБР-м Мэкъумэш хозяйствэмкIэ и министерствэм къитауэ щытащ, апхуэдэ сертификатхэр ипэIуэкIэ республикэм и IуэхущIапIитIым - фадэхэкIым елэжьхэу «Премиум» ООО-мрэ «Эльбрус Спиритс»-мрэ - зэрыратар икIи ахэр УФ-м Мэкъумэш хэзяйствэмкIэ и министерствэм и реестрым зэрыщатхар. Мыри щIыдгъужынщ, 2023 гъэм бадзэуэгъуэм и 4-м къэралым къыщащтауэ щытащ 2030 гъэ пщIондэ органическэ продукцэу къыщIагъэкIыр нэхъыбэ щIыным ехьэлIа унафэ. ХЬЭЩЫКЪУЕЙ Олег.
Поделиться:
Читать также:
02.05.2024 - 14:22 →
Хэкур зыфIэкIуэдам псори фIэкIуэдащ
02.05.2024 - 12:43 →
Джэш хъурейм яужь йохьэ
02.05.2024 - 12:31 →
Зыпэрыт Iуэхум фIыуэ хэзыщIыкI дохутыр
02.05.2024 - 12:28 →
ТхьэкIумэкIыхь зыгъэхъухэм ящIапхъэщ
01.05.2024 - 13:43 →
«ТекIуэныгъэм и диктантым» зрагъэубгъу
|