ГъавэщIэм телажьэу

8 февраля, 2024 - 09:06

Къэбэрдей-Балъкъэрым Мэкъумэш хозяйствэмкIэ и министерствэм и пресс-IуэхущIапIэм къызэритамкIэ, 2024 гъэм Къэбэрдей-Балъкъэрым бжьыхьэсэм ирагъэубыдащ гектар мин 70,6-рэ. Нэгъабэ диIам елъытауэ ар проценти 102-рэ мэхъу. Абы щыщу гъавэм хухахащ гектар мин 65-р, рапсым гектар мин 51-р, Iэщым щхъуантIэу ирагъэшхыну къэкIыгъэхэм - гектар 0,5-р.

Жылапхъэу къагъэсэбэпахэр ди къэралым къыщагъэкIащ, республикэм и щIыналъэхэм я щIым и щытыкIэм теухуауэ зэхадзауэ щытащ. Бжьыхьэсэр щрагъэкIуэкIым щIыгъэпшэрхэр ирикъуу дыхалъхьащ.

IэщIагъэлIхэм къызэрыхагъэщамкIэ, илъэсыр щиухым дунейм и щытыкIам и сэбэпынагъ жылэхэм екIащ, ахэр нэхъ псынщIэу щIым хиубыдащ, зэкIэщIэкIыни щIадзащ.

ХЬЭЩЫКЪУЕЙ Руслан.
  • 30 просмотров
Поделиться: