Сымаджэхэм папщIэ лъы ят

«Гум къыбгъэдэкIыу» акцэм хыхьэу икIи Лъы зытым и махуэр Урысей щыщагъэлъапIэм ирихьэлIэу УФ-м и Лъэпкъ гвардием и IуэхущIапIэу КъБР-м щыIэм ведомствэм щIэмыт и хъумакIуэ IэнатIэм и лэжьакIуэхэм лъы ятащ щIыналъэм и медицинэ IэнатIэхэу абы хуэныкъуэхэм папщIэ. 
Псори зэхэту хабзэхъумэхэм ятащ лъы литрийм щIигъу. Лъы ятын ипэкIэ абыхэм дохутыр къеплъащ. 
- Дэ хабзэ тхуэхъуащ лъы тыныр. Дохутырхэм цIыху гъащIэр кърагъэлын папщIэ защIэзыгъэкъуну гупыж зыщI ди лэжьакIуэхэр кIуэ пэтми нэхъыбэ мэхъу, - жиIащ полицэм и полковник КIарэ Заур. 
Медицинэ лэжьакIуэхэм ведомствэм и лIыкIуэхэм фIыщIэ хуащIащ зэрызыщIагъакъуэм, хуэныкъуэм дэIэпыкъуну сыт щыгъуи зэрыхьэзырхэм папщIэ.