«ЦIыхухэм гаражхэмрэ ахэр зытет щIы IыхьэхэмкIэ хуитыныгъэ зрагъэгъуэтынымкIэ Iуэху щхьэхуэхэр зэблэгъэкIыным теухуауэ» Къэбэрдей-Балъкъэр Республикэм и Законыр къэщтэным и IуэхукIэ
Къэбэрдей-Балъкъэр Республикэм м Парламентым унафэ ещI:
1.«ЦIыхухэм гаражхэмрэ ахэр зытет щIы IыхьэхэмкIэ хуитыныгъэ зрагъэгъуэтынымкIэ Iуэху щхьэхуэхэр зэблэгъэкIыным теухуауэ» Къэбэрдей-Балъкъэр Республикэм и Законыр къэщтэн.
2. А Законыр Къэбэрдей-Балъкъэр Республикэм и Iэтащхьэм хуегъэхьын Iэ щIидзын икIи хэIущIыIу ищIын папщIэ.
3. Мы Унафэм къару егъуэт къыщащта махуэм щегъэжьауэ.
Къэбэрдей-Балъкъэр Республикэм и
Парламентым и УнафэщI Егоровэ Татьянэ
Налшык къалэ
2022 гъэм гъатхэпэм и 24-м
№482-П-П
ЦIыхухэм гаражхэмрэ ахэр зытет щIы IыхьэхэмкIэ хуитыныгъэ зрагъэгъуэтынымкIэ Iуэху щхьэхуэхэр зэблэгъэкIыным теухуауэ
Къэбэрдей-Балъкъэр Республикэм и
Закон
Къэбэрдей-Балъкъэр Республикэм и
Парламентым къищтащ 2022 гъэм гъатхэпэм и 24-м
1 статья. Мы Законым зэблигъэкI Iуэхухэр
«Урысей Федерацэм и закон акт щхьэхуэхэм зэхъуэкIыныгъэхэр хэлъхьэным и IуэхукIэ» 2021 гъэм мэлыжьыхьым и 5-м къащта Федеральнэ закон №79-ФЗ-м и I8-нэ статьям, «Урысей Федерацэм ЩIымкIэ и кодексым къару егъэгъуэтыным и IуэхукIэ» 200I гъэм жэпуэгъуэм и 25-м къащта Федеральнэ закон №I37-ФЗ-м (адэкIэ-федеральнэ закон №I37-ФЗ) и 3-нэ статьям, Урысей Федерацэм ЩIымкIэ и кодексым и 39-нэ статьям япкъ иткIэ мы Законым зэблегъэкI ЯмыгъэIэпхъуэ мылъкумкIэ, ахэр зытет щIы IыхьэхэмкIэ къэрал реестр зэгуэтым ирамытхауэ цIыхухэм къагъэсэбэп гаражхэм ехьэлIа хуитыныгъэ зрагъэгъуэтыным пыщIа языныкъуэ Iуэхухэр.
2 статья. ЦIыхухэм гаражхэмрэ ахэр зытет щIы IыхьэхэмкIэ
хуитыныгъэ зрагъэгъуэтынымкIэ Къэбэрдей-Балъкъэр
Республикэм и Правительствэм и полномочиехэр
ЦIыхухэм гаражхэмрэ ахэр зытет щIы IыхьэхэмкIэ хуитыныгъэ зрагъэгъуэтынымкIэ Къэбэрдей-Балъкъэр Республикэм и Правительствэм и полномочиехэм хохьэ:
1) капитальнэ ухуэныгъэу щымыт гаражхэр, апхуэдэу ныкъуэдыкъуэхэр зэрызекIуэ техническэ Iэмэпсымэхэр езыхэм я псэукIэм пэгъунэгъу щIыхэм, апхуэдэу къэрал е муниципальнэ мылъкум хыхьэ щIы Iыхьэхэм зэрытегуэша схемэр щIыпIэ унафэр зезыгъакIуэ органхэм къызэращтэ щIыкIэр убзыхуныр;
2) Къэбэрдей-Балъкъэр Республикэм и мылъкум хиубыдэ щIы Iыхьэхэм, къэрал мылъкуу зэрыщытыр ямыубзыхуа щIыхэм е щIы Iыхьэхэм ящыщу капитальнэу щымыт гаражхэр тращIыхьын папщIэ цIыхухэм яIыгъхэр къызэрагъэсэбэпым пэкIуэу ятын хуей уасэр зэрагъэув щIыкIэр убзыхуныр.
3 статья. ЯмыгъэIэпхъуэ мылъкумкIэ къэрал реестр зэгуэтым
ирамытха гаражхэр къэзыгъэсэбэп цIыхухэр
гъэбелджыоынымкIэ зэфIэгъэкIыпхъэхэр
1. Къэбэрдей-Балъкъэр Республикэм и жылагъуэхэм, къалэ округхэм, муниципальнэ районхэм щIыпIэ уафэр зезыгъакIуэ я органхэм (адэкIэ-щIыпIэ унафэр зезыгъакIуэ я органхэм хуитыныгъэ яIэщ зыхуэфащэ муниципальнэ щIынаълэхэм хиубыдэу ЯмыгъэIэпхъуэ мылъкумкIэ къэрал ресстр зэгуэтым ирамытха гаражхэр (адэкIэ-гаражхэр) къэзыгъэсэбэпхэр убзыхуным хуэгъэза лэжьыгъэхэр ирагъэкIуэкIыну икIи апхуэдэ гаражхэмрэ ахэр зытет щIы Iыхьэхэмрэ яхуэгъэза хуитыныгъэхр зрагъэгъуэтынымкIэ цIыхухэм ядэIэпыкъуну.
2. Гаражхэр къэзыгъэсэбэп цIыхухэр убзыхуным хиубыдэ Iуэхухэм ящыщщ:
1) гаражхэр къэзыгъэсэбэп цIыхухэм ятеухуа информацэр зэхуэхьэсыныр;
2) гаражхэр къыхэтзыкIыныр
3) гаражхэмрэ ахэр зытет щIыхэмкIэ хуитыныгъэхэр зэрызэрагъэгъуэт щIыкIэмрэ хабзэхэмрэ, апхуэдэу Iуэхум пыщIа псоми гаражхэр къэзыгъэсэбэпхэм ятеухуа хъыбархэр щIыпIэ унафэр зезыгъакIуэ органхэм зэррагъащIэ щIыкIэм цIыхухэр щыгъуазэ щIыныр.
4 статья. Гаражхэр къэзыгъэсэбэпхэр убзыхунымкIэ
лэжьыгъэхэр зэррагъэкIуэкI щIыкIэр
1. Гаражхэр къэзыгъэсэбэпхэм ехьэлIа информацэр зэхуахьэсын папщIэ щIыпIэ унафэр зезыгъакIуэ органхэм хуитыныгъэ яIэщ мы къыкIэлъыкIуэ лэжьыгъэхэр ирагъэкIыну;
1) гаражхэр тращIыхьын (къыщагъэсэбэпын) папщIэ щIы Iыхьэхэр зэрыхухахам, нэхъ япэкIэ ятхауэ щыта гаражхэр зи мылъку щытхэм ятеухуауэ архивхэм, щIыпIэ унафэр зезыгъакIуэ органхэм я деж щыIэ документхэм къыщыгъэлъэгъухэр зэпкърахыну;
2) гаражхэр гъэбелджыолын мурадкIэ муниципальнэ щIыналъэр щIапщытыкIыну;
3) органхэм, организацэхэм ящыщу зи архивхэм е зи унафэхэм гаражхэр къэзыгъэсэбэпхэм ятеухуа хъыбархэр хэлъынкIэ хъунухэм я деж щыщIэупщIэну, абыхэм ящыщу:
а) къэрал кадастр учетыр езыгъэкIуэкI икIи мылъкумкIэ хуитыныгъэхэр зытх федеральнэ гъэзэщIакIуэ органым- гаражымрэ ар зытет щIы Iыхьэмрэ ятеухуауэ ЯмыгъэIэпхуъэ мылъкумкIэ къэрал реестр зэгуэтым итыр къыIихын папщIэ;
б) щIэин Iуэхур къыщызэIуаха щIыпIэм щыIэ нотариусым- щIэину гаражыр къахуэнэнымкIэ хуитыныгъэ зыгъуэта цIыхухэм ятеухуа хъыбархэр къыIахын папщIэ (гаражыр къэзыгъэсэбэпу щытар зэрылIамм теухуа информацэ щыIэмэ);
в) налогхэмрэ къинэмыщI адрей ахъшэмрэ къыхэхынымкIэ законодательствэр зэрагъэзащIэм кIэлъыплъынымкIэ къалэнхэр зыгъэзащIэ федеральнэ гъэзэщIакIуэ органым е абы и щIыналъэ органым- «Юридическэ IэнатIэхэмрэ щхьэзакъуэ хьэрычэтыщIэхэмрэ къэралым зэритхым и IуэхукIэ» 2001 гъэм шыщхьэуIум и 8-м къащта Федеральнэ закон «129-ФЗ-м и 21-нэ статьям къыщыгъэлъэгъуа щхьэусыгъуэхэм япкъ иткIэ юридическэ IэнатIэхэм я къэрал ресстр зэгуэтым иракъутыкIыжа гараж кооперативхэм, къинэмыщI организацэхэм я деж къыщызэрагъэпэщауэ щыта гараж кооперативхэм хэта цIыхухэм я спискэхэр къыIахын папщIэ;
г) капитальнэу щыт ухуэныгъэхэм я техникэ учетымрэ техникэ къыхэтхыкIыныгъэмрэ егъэкIуэкIынымкIэ къэрал органым-учетым ямыгъэува гаражым теухуауэ 20I3 гъэм щIышылэм и I-м ирихьэлIэу абы и деж щыIа учет зэращI, техникэ документацэм, адрей документхэм я копиехэр къыIахын папщIэ;
д) гараж кооперативхэм, гараж кооперативхэр къыщызэрагъэпэща организацэхэм, ресурсхэмкIэ къызэзыгъэпэщ организацэхэм-абыхэм я деж щыIэнкIэ хъуну информацэм щыгъуазэ защIын папщIэ;
4) гаражхэм я спискэр, а гаражхэр зыхуэдэмрэ зыдэщыIэ щIыпIэмрэ къыщыгъэлъэгъуауэ, зэхалъхьэну;
5) сэтей къащIа гаражхэмрэ абыхэм ехьэлIа хуитыныгъэхэр зрагъэгъуэтыпхъэу зэрыщытымрэ ятеухуа информацэр цIыхубэ хъыбарегъащIэ IуэхущIапIэхэм, муниципальнэ щIыналъэм «Интернет» информацэ-телекоммуникацэ сетым, щыIэ сайтхэм щIыпIэ унафэр зезыгъакIуэ органхэм и хъыбарегъащIэ стендхэм хэIущIыIу щащIыну, апхуэдэу езы гаражым тратхэну;
6) муниципальнэ хабзэ мардэхэм щыубзыхуа нэгъуэщI Iуэхухэр ялэжьыну.
2.Гаражхэм я спискэр, ахэр зыхуэдэмрэ зыдэщыIэ щIыпIэмрэ (гаражым и адресыр, адрес имыIэмэ-зыдэщыIэ щIыналъэр) мунциипальнэ органым и унафэ щхьэхуэкIэ къащтэ.
ЩIыпIэ унафэр зезыгъакIуэ органхэм гаражхэм я спискэхэр хуей щыхъум деж, ауэ кварталым зэ нэхърэ мынэхъ мащIэрэ, къагъэщIэрэщIэж.
3.Гаражхэр къэзыгъэсэбэп цIыхухэр сэтей къащIамэ, щIыпIэ унафэр зезыгъакIуэ органхэм лэжьэгъуэ махуи I0-м къриубыдэу абыхэм пощткIэ е нэгъуэщI IэмалхэмкIэ хъыбар ирагъащIэ гаражхэмрэ ахэр зытет щIы IыхьэхэмкIэ хуитыныгъэхэр зрагъэгъуэтын папщIэ щIыпIэ унафэр зезыгъакIуэ органым зыхуагъазэмэ къазэрыдэIэпыкъунмкIэ.
5 статья. Федеральнэ закон №I37-ФЗ-м къыщыгъэлъэгъуа
документхэр имыIэмэ, Урысей Федерацэм и кодексым къару и гъуэтын япэкIэ социальнэ муниципальнэ Iыхьэр
Къалэухуэ ухуэныгъэу щыт гаражыр зытрищIыхьа къэрал е
езым и мылъкуу иригъэтхын папщIэ цIыхум
къигъэсэбэп хъуну документхэр
Федеральнэ закон №I37-ФЗ-м и 3-нэ статьям и 3-7-нэ пунктхэм къыщыгъэлъэгъуа документхэр имыIэмэ. капитальнэ ухуэныгъэу щыт гаражыр, Урысей Федерацэм и Къалэухуэ кодексым къару игъуэтын ипэкIэ ящIа гаражыр къэзыгъэсэбэп цIыхум а гаражыр зытет къэрал, муниципальнэ щIы Iыхьэр Федеральнэ закон №I37-ФЗ-м и 3-нэ статьям и 2-нэ пунктым къигъэувхэм зэрезэгъым и щыхьэту 2026 гъэм фокIадэм и I-м нэсыху ит хъунущ мы къыкIэлъыкIуэ документхэм ящыщ зы е зыбжанэ:
I) гаражыр ищIыну зыхуэфащэ органым хуитыныгъэ къызэрритамкIэ тхылъыр;
2) гаражыр зэрищIамкIэ а цIыхум зыхуэфащэ органым кърита тхылъыр;
3) цIыхур гаражхэр ухуэнымкIэ кооперативым зэрыхэтамкIэ е абы хэта нэгъуэщI цIыхум и щIэинур къызэрыхуэнамкIэ тхылъыр;
4) цIыхум зыхуэфащэ взносхэр зэрыхилъхьамкIэ гаражхэр зыухуэ кооперативым кърита тхылъыр;
5) капитальнэ ухуэныгъэу щыт гаражыр инженер сетхэм зэрыпадзам, апхуэдэу гаражым зэман пыухыкIам щегъэжьауэ коммунальнэ Iуэхутхьэбзэхэр къызэригъэсэбэпым теухуауэ ресурсхэмкIэ къызэзыгъэпэщ IуэхущIапIэм къыбгъэдэкI тылъыр;
6) капитальнэ ухуэныгъэу щыт гаражымрэ ар зытет щIы Iыхэмрэ ятехуэ налогыр цIыхум зэритымкIэ налог органым къыбгъэдэкI тхылъыр.
6 статья. Мы Законым къару зэригъуэтыр
Мы Законым къару егъуэт ар официальнэу къыщытрадза махуэм щегъэжьауэ.
Къэбэрдей-Балъкъэр Республикэм и Iэтащхьэ КIуэкIуэ Казбек
Налшык къалэ
2022 гъэм мэлыжьыхьым и I3-м
№16-РЗ
