Тэрч и къэзакъыдзэ щIыналъэм и Тэрч-Балъкъ округ къэзакъ жылагъуэ зэгухьэныгъэм и уставыр къэщтэным теухуауэ
Къэбэрдей-Балъкъэр Республикэм и Iэтащхьэм и Указ
«Лей зрахауэ щыта лъэпкъхэр хей щIыжыным и IуэхукIэ» Урысей Федерацэм и Законыр гъэзэщIэнымкIэ зэфIэгъэкIыпхъэхэм ятеухуауэ» Урысей Федерацэм и Президентым 1992 гъэм мэкъуауэгъуэм и 15-м къыдигъэкIа Указ №632-м и 3.3-нэ пунктым, Къэбэрдей-Балъкъэр Республикэм и щIыналъэм къыщызэрагъэпэщ (щылажьэ) языныкъуэ къэзакъ жылагъуэ зэгухьэныгъэхэм я уставэхэр зэрызрагъэуIу икIи къызэращтэ щIыкIэм теухуа Положенэм, «Къэбэрдей-Балъкъэр Республикэм и щIыналъэм къыщызэрегъэпэщ (щылажьэ) языныкъуэ къэзауъ жылагуъэ зэгухьэныгъэхэм я уставхэр зэгъэуIунымрэ къэщтэнымрэ къызэгъэпэщыным и IуэухкIэ» Къэбэрдей-Балъкъэр Республикэм и Iэтащхьэм 2021 гъэм фокIадэм и 9-м къыдигъэкIа Указ №101-УГ-мкIэ къищтам, и 3-нэ пунктым япкъ иткIэ унафэ сощI:
1. Тэрч и къэзакъыдзэ щIыналъэм и Тэрч-Балъкъ округ къэзакъ жылагъуэ зэгухьэныгъэм щIэуэ къратхыкIыжа и Уставыр къэщтэн мы Указым и гуэдзэным зэритым хуэдэу.
Къару ямыIэжу къэлъытэн:
«Тэрч-Балъкъ округ къэзакъ жылагъуэ зэгухьэныгъэм и Уставыр къэщтэным и IуэхукIэ» Къэбэрдей-Балъкъэр Республикэм и Президентым 2010 гъэм жэпуэгъуэм и 27-м къыдигъэкIа Указ №131-УП-м;
«Тэрч-Балъкъ округ къэзакъ жылагъуэ зэгухьэныгъэм и Уставым халъхьэ зэхъуэкIыныгъэхэр къэщтэным и IуэхукIэ» Къэбэрдей-Балъкъэр Республикэм и Iэтащхьэм 2013 гъэм бадзэуэгъуэм и 18-м кыдигъэкIа Указ №112-УГ-м.
3. Мы Указым къару егъуэт Iэ щыщIэздза махуэм щегъэжьауэ.
Къэбэрдей-Балъкъэр Республикэм и Iэтащхьэ КIуэкIуэ Казбек
Налшык къалэ
2022 гъэм мэлыжьыхьым и 21-м
№39-УГ
