Ахъсор Пщымырзэ и фэеплъ шыгъажэ

Тэрч щIыналъэм хыхьэ Курп Ищхъэрэ (Къаншууей) жылэм накъыгъэм и 9-м къыщызэрагъэпэщащ къуажэ тхьэмадэу щыта нэхъыжьыфI Ахъсор Пщымырзэ и фэеплъ шыгъажэ.

Джылахъстэнейм и къуажэхэм, Налшык, Лашынкъей, Аргудан, Псыгуэнсу, Шэджэм, Къубэ-Тэбэ, Къулъкъужын, Осе­тие Ищхъэрэ - Аланием къикIауэ шууей 56-рэ хэтащ абы. Ар Курп  Ищхъэрэ къуажэ администрацэм, жылагъуэ Iуэху­щIа­пIэхэм,  Пщымырзэ  и унагъуэм  я  жэрдэмкIэ  къызэрагъэпэщащ.
КъыхэжаныкIахэмрэ япэ увыпIэр зыубыдахэмрэ доллар мини      3 ахъшэ саугъэту трагуэшащ.
Къэжэгъуихым хэтахэм къахьа увыпIэфIхэр :
Япэ: Ахэмын С. (Плановскэ къуажэ), Къакъий И. (Аргудан), Къып К. (Къулъкъужын), Вазагов Къ. (Осетие Ищхъэрэ - Алание), Нэгъуей А. (Лашынкъей), Вазагов М. (Осетие Ищхъэрэ - Алание).
ЕтIуанэ: Щад А. (Аргудан), Сындыку А. (Плановскэ), Дудэ А. (Псыгуэнсу), Бэджрэт М. (Аргудан), Абазэ Б. (Налшык къалэ), Пыжьынэ А. (Тэрч къалэ).
Ещанэ: Балъкъэр С. (Плановскэ), КIэбышэ С. (Лашынкъей), Сэбан А. (Плановскэ), Токъмакъ М. (Къубэ-Тэбэ), Абазэ Б. (Налшык къалэ), Зыхъуэ М. (Шэджэм).