Къэбэрдей-Балъкъэр Республикэм и Iэтащхьэм и Указ

6 июня, 2022 - 12:20

Къэбэрдей-Балъкъэр Республикэми электроэнергетикэм 2023 - 2027 гъэхэм ятещIыхьауэ зегъэужьынымкIэ схемэмрэ программэмрэ къэщтэным теухуауэ

Электроэнергетикэм къэкIуэну зэманым тещIыхьауэ зегъэужьынымкIэ схемэхэмрэ программэхэмрэ зэрызэхалъхьэ икIи къызэращтэ Хабзэхэм, «Электроэнергетикэм къэкIуэну зэманым тещIыхьауэ зегъэужьынымкIэ схемэхэмрэ программэхэмрэ я IуэхукIэ» Урысей Федерацэм и Правительствэм 2009 гъэм  жэпуэгъуэм и 17-м къыдигъэкIа унафэ №823-мкIэ къищтам, и 25-нэ пунктым ипкъ иткIэ унафэ сощI:

1. Къэбэрдей-Балъкъэр Республикэм и электроэнергетикэм 2023-2027 гъэхэм  ятещIыхьауэ зегъэужьынымкIэ схемэмрэ программэмрэ къэщтэн мы Указым и гуэдзэным зэритым  хуэдэу.

2. Къару имыIэжу къэлъытэн «Къэбэрдей-Балъкъэр Республикэм и  электроэнергетикэм 2022 - 2026 гъэхэм ятещIыхьауэ  зегъэужьынымкIэ схемэмрэ программэмрэ къэщтэным и IуэхукIэ» 2021 гъэм мэлыжьыхьым и 30-м Къэбэрдей-Балъкъэр Республикэм и Iэтащхьэм къыдигъэкIа Указ №47-УГ-м.

3. Мы Уазым къару егъуэт 2023 гъэм щIышылэм  и 1-м щегъэжьауэ.

Къэбэрдей-Балъкъэр Республикэм и Iэтащхьэ КIУЭКIУЭ Казбек

Налшык къалэ

2022 гъэм мэлыжьыхьым и 29-м

№48-УГ

  • 5 просмотров
Поделиться: