МахуипщIым къриубыдэу бгъу

Накъыгъэм и кIэух мэкъуауэгъуэм и пэщIэдзэ махуипщIым  къриубыдэу Къэбэрдей-Балъкъэрым къыщыхъуа мафIэс 12-м хисхьащ, е сэкъатышхуэ щагъуэтащ автомашинэу 9-м. Транспортым мафIэм исыныр къыхокI электрокIапсэхэм сэкъат яIэным,  автомашинэм и пкъыгъуэхэр мытэмэмыным.      

 Автомашинэм мафIэ къызэрыщIэнэр къыпхуэщIэркъым  Iугъуэмрэ сырымэмрэ къэмыуауэ.   Аращи, фи тарнспортыр мафIэм хэмыкIуэдэн папщIэ,  мы хабзэхэм фытет:

- техникэр и чэзум къевгъэпщытэ;

- псынщIэу къэлыдын машинэм ивмыгъэлъ;

- автомашинм и двигателыр къабзэу дагъэхэкI кIэрымылъу щытын хуейщ, ар бензинкIэ фымытхьэщI,  абы  теухуауэ щыIэр къэвгъэсэбэп;

-  мыкалиброваннэ ткIугъуафIэ вставкэхэр къэвмыгъэсэбэп;

- гулъытэ хэха хуэфщI къэзыгъэплъ системэр зэпэщу зэрылажьэм.  

Фи автомашинэм мафIэ къыщылыдамэ, занщIэу къэвгъэувыIи абы и двигателыр Iуфч. ЗывмыIэжьэу     «101» номерым (жып телефонхэмкIэ) фыпсалъи мафIэсгъэункIыфIхэм хъыбар евгъащIэ. Ахэр къэсыхукIэ фиIэр къэвгъэсэбэп: Iэмэпсымэхэр: мафIэгъэункIыфI, брезент, щэкI Iув, пшахъуэ, щIы, нэгъуэщIхэри.  

 Капотыр  ибгъумкIэ фыщыту башкIэ е монтировкэкIэ фысакъыу къытефх (зыIэзыбжьэу капотыр къэфIэтмэ, мафIэ бзийр къыдидзынкIэ хъунущ). МафIэр зэрагъэункIыфIыр хуэвгъазэ, 

Фи щыгъыным, фи Iэм  гъэсыныпхъэ, бензин нэсамэ,  мафIэр гъэункIыфIыным яужь фимыхьэ.   

МафIэгъэункIыфIыр автомашинэм и салоным, рулым дэсым и дежкIэ нэхъ тыншыпIэм   щыфхъумэну чэнджэщ фыдот. Багажникми хъунущ, ауэ ар къипхыным ихь дэтхэнэ дакъикъэми мыхьэнэ иIэщ. 

Транспортыр гаражым е гъэувыпIэм къыщылыдамэ икIи зиубгъунымкIэ шынагъуэ щыIэмэ, абы пэгъунэгъуу щыт машинэр Iуфху.  Къэлыда автомашинэм фитIысхьэу ар щIэвгъэнэну фыхэмыт, абы пэIэщIэ зыфщI бензиныр е газыр къэуэнкIэ хъунущи.   

Фи автомашинэм мафIэ къыщIэмынэн папщIэ Iэмал имыIэу фытет абы зэрызыщахъумэ пщалъэхэм, мис абы щыгъуэ фи гъащIэри фи транспортри  хъума хъунущ, - къет   Къэбэрдей-Балъкъэрым мафIэс-къегъэлакIуэ IэнатIэм и пресс-IуэхущIапIэм.