Европэр уэгъум иубыдащ

Еврокомиссэм и КъэхутакIуэ IуэхущIапIэм къызэритымкIэ, ЕС-м и зэхуэдитIыр зыубыда уэгъум хуэдэ иужьрей илъэс 500-м ялъэгъуакъым.

Европэм и процент 64-р насыпыншагъэм ехь. ЗэрыжаIэмкIи, апхуэдэ дуней щытыкIэр Средиземноморьем щиIыгъынущ щэкIуэгъуэ мазэ хъуху. ЩIэщыгъуэхэмкIэ, щэнхабзэм, егъэджэныгъэмрэ щIалэгъуалэм я IуэхухэмкIэ еврокомиссар Габриэль Марие къызэрыхигъэщамкIэ, щIыуэпсым и апхуэдэ щытыкIэм псыри иригъэгъущыкIынущ, гъавэми егуауэфынущ, мафIэс шынагъуэхэри къишэнущ.

- Ди жагъуэ зэрыхъунщи, дэ абы зыри тхуещIэнукъым. Ар дунейм, щIыуэпсым, климатым зэрызихъуэжам и Iэужьщ. ЩIыуэпсым иджыри зыри текIуакъым, - жиIащ абы.