УФ-м и Президент Путин Владимир и юбилеймкIэ ехъуэхъуащ Къэбэрдей-Балъкъэр Республикэм и Iэтащхьэ КIуэкIуэ Казбек

«Нобэ и юбилейр егъэлъапIэ Урысей Федерацэм и Президент, Главнокомандующэ нэхъыщхьэ, лъэпкъым и пашэ Путин Владимир Владимир и къуэм.
Владимир Владимир и къуэр щапхъэщ Хэкум хуэпэжынымрэ абы псэемыблэжу хуэлэжьэнымкIэ. Ди къэралым и цIыхухэм гукIи псэкIи пщIэшхуэ хуащI а патриот иным, лъэпкъым и пашэм, Урысейм и къарумрэ зэфIэкIымрэ къэIэтыныр, абы щып­сэу лъэпкъ­хэм я шынагъуэншагъэр, ефIэкIуэныгъэр къы­зэгъэ­пэщыныр зи мурад нэхъыщхьэм.
ПIалъэ гъуэзэджэм ди Президентыр IуощIэ и зэфIэкIымрэ и къа­румрэ я изыгъуэу, политик губзыгъэу, къэрал лэжьакIуэ гъуэ­зэджэу, ди лъэхъэнэм дуней псом щыпашэ цIыхуу.
Нобэ Къэбэрдей-Балъкъэр Республикэм исхэми си щхьэкIэ сэри къыдбгъэдэкIыу Владимир Владимир и къуэм къыщалъ­хуа махуэмкIэ сохъуэхъу. СигукIи си псэкIи си гуапэщ абы узыншагъэ быдэ, къару мыкIуэщIыж иIэну, ди Хэкум и фIы­гъуэмрэ щIыхьымрэ къэIэтыным яхуэгъэзауэ иригъэкIуэкI лэжьыгъэшхуэм ехъулIэныгъэхэр къыщихьыну», - къыщыгъэлъэгъуащ щIыналъэм и Iэтащхьэм и хъуэхъу тхыгъэм.