Iуащхьэмахуэ лъапэ зыщагъэпсэху

Къэбэрдей-Балъкъэр Республикэм Курортхэмрэ туризмэмкIэ и министерствэм и пресс-IуэхущIапIэм хъыбар къызэрыдигъэщIамкIэ, мазаем и 23-26 махуэхэм Iуащхьэмахуэ лъапэ зыщагъэпсэхуащ цIыху мин 28-м нэс. 
ХьэщIэхэм я нэхъыбэм зыгъэпсэхугъуэ зэманыр къурш джабэхэм щагъэкIуащ. ЦIыху нэхъыбэ дыдэ щыщыIар мазаем и 24-рщ, илъэсыщIэ зыгъэпсэхугъуэхэм къакIуэ бжыгъэм щхьэдэхащ ар. А махуэм Iуащхьэмахуэ щыIащ цIыху мини 7-м нэс. Зэвгъэпщэфын папщIэ жытIэнщи, зы махуэм и кIуэцIкIэ илъэсыщIэ зыгъэпсэхугъуэхэм Iуащхьэмахуэ лъапIэ екIуэлIар цIыху мини 5-щ. 
Чегет къыщыувыIащ зыгъэпсэхуакIуэхэм я процент 20-р. Абы и къурш джабэхэр къэзыгъэIурыщIэр лъэрыжэм хуэIэкIуэлъакIуэ дыдэхэрщ, езы хуейм иIэщ IэжьэкIэ къыщыбжыхь хъу щIыпIэ. 
ЗыгъэпсэхуакIуэхэр къикIащ Урысей Федерацэм и щIыналъэ псоми, Кърымым къыщыщIэдзауэ КIуэкIыпIэ Жыжьэм нэс.