Къэбэрдей-Балъкъэр Республикэм и Iэтащхьэм и УказКъэбэрдей-Балъкъэр Республикэм и Iэтащхьэм гъуазджэм и исполнительскэ IэнатIэм ехьэлIа и грантхэр гъэувыным и IуэхукIэ Филармоническэ гупхэм ират къэрал дэIэпыкъуныгъэм хэгъэхъуэн мурадкIэ унафэ сощI: 1. Гъэувын: Къэбэрдей-Балъкъэр Республикэм и Iэтащхьэм конкурсхэм япкъ иткIэ гъэ къэс дэтхэнэри сом I мелуан хъууэ хухих и гранту щы, профессиональнэ хореографие, уэрэджыIэкIуэ-къэфакIуэ гупхэм я творческэ проектхэр ягъэзэщIэнымкIэ къэрал дэIэпыкъуныгъэ ягъуэтын папщIэ; Къэбэрдей-Балъкъэр Республикэм и Iэтащхьэм конкурсхэм япкъ иткIэ гъэ къэс сом I мелуан хъууэ хухиха и гранту зы-симфоние оркестрхэм я профессиональнэ гупхэм я творческэ проектхэр ягъэзэщIэнымкIэ къэрал дэIэпыкъуныгъэ ягъуэтын папщIэ. 2. Къэлъытэн: мы Указым и 1-нэ пунктым къыщыгъэлъэгъуа грантхэр (адэкIэ-грантхэр) 2023 гъэм щегъэжьауэ ирату; Къэбэрдей-Балъкъэр Республикэм и Правительствэм къызэрыхилъхьам тету грантхэр Къэбэрдей-Балъкъэр Республикэм и Iэтащхьэм и унафэкIэ илъэсым зэ яту. 3. Къэбэрдей-Балъкъэр Республикэм и Правительствэм хуэгъэувын: грантхэм ятеухуа положенэу грантхэр зэрат щIыкIэр зыубзыхухэр икIи абы теухуа Iуэхухэр зэрагъэзащIэм зэрыкIэлъыплъхэр къищтэну; Къэбэрдей-Балъкъэр Республикэм и республикэ бюджетым и проектхэр зи чэзу финанс илъэсым, апхуэдэу къыкIэлъыкIуэ илъэсхэм ятещIыхьауэ щызэхилъхьэкIэ грантхэр тыным текIуэдэну бюджет ахъшэр къилъытэну; грантхэр зыхуэфащэхэр къыщыхах конкурсхэр гъэ къэс егъэкIуэкIыныр къызэригъэпэщыну. 4. Мы Указым къару егъуэт официальнэу къыщытрадза махуэм щегъэжьауэ. Къэбэрдей-Балъкъэр Республикэм и Iэтащхьэ КIУЭКIУЭ Казбек Налшык къалэ 2023 гъэм гъатхпээм и 6-м №17-УГ
Поделиться:
Читать также:
15.04.2024 - 14:48 →
Къэбэрдей-Балъкъэр Республикэм и Iэтащхьэм и Указ
30.03.2024 - 14:16 →
Къыхэзэгъэну пIэрэ?
30.03.2024 - 11:21 →
Къэбэрдей-Балъкъэр Республикэм и Парламентым и Унафэ
29.03.2024 - 10:28 →
КIуэкIуэ Казбек и хъуэхъу
26.03.2024 - 09:04 →
Къэбэрдей-Балъкъэр Республикэм и Iэтащхьэм и Указ
|